๑-๗. ปฏิจฺจวาราทิ

เหตุ-อารมฺมณปจฺจยา

๑๒๔. อตีตารมฺมณํ สรณํ ธมฺมํ ปฏิจฺจ อตีตารมฺมโณ สรโณ ธมฺโม อุปฺปชฺชติ เหตุปจฺจยา. (๑)

อนาคตารมฺมณํ สรณํ ธมฺมํ ปฏิจฺจ อนาคตารมฺมโณ สรโณ ธมฺโม อุปฺปชฺชติ เหตุปจฺจยา. (๑)

ปจฺจุปฺปนฺนารมฺมณํ สรณํ ธมฺมํ ปฏิจฺจ ปจฺจุปฺปนฺนารมฺมโณ สรโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา ตีณิ…เป… อวิคเต ตีณิ (สํขิตฺตํ).

(สหชาตวารมฺปิ …เป… ปญฺหาวารมฺปิ สพฺพตฺถ วิตฺถาเรตพฺพํ.)

๑๒๕. อตีตารมฺมณํ อรณํ ธมฺมํ ปฏิจฺจ อตีตารมฺมโณ อรโณ ธมฺโม อุปฺปชฺชติ เหตุปจฺจยา. (๑)

อนาคตารมฺมณํ อรณํ ธมฺมํ ปฏิจฺจ อนาคตารมฺมโณ อรโณ ธมฺโม อุปฺปชฺชติ เหตุปจฺจยา. (๑)

ปจฺจุปฺปนฺนารมฺมณํ อรณํ ธมฺมํ ปฏิจฺจ ปจฺจุปฺปนฺนารมฺมโณ อรโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา ตีณิ…เป… อวิคเต ตีณิ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๑๒๖. อตีตารมฺมโณ อรโณ ธมฺโม อตีตารมฺมณสฺส อรณสฺส ธมฺมสฺส เหตุปจฺจเยน ปจฺจโย. (๑)

อนาคตารมฺมโณ อรโณ ธมฺโม อนาคตารมฺมณสฺส อรณสฺส ธมฺมสฺส เหตุปจฺจเยน ปจฺจโย. (๑)

ปจฺจุปฺปนฺนารมฺมโณ อรโณ ธมฺโม ปจฺจุปฺปนฺนารมฺมณสฺส อรณสฺส ธมฺมสฺส เหตุปจฺจเยน ปจฺจโย. (๑)

อตีตารมฺมโณ อรโณ ธมฺโม อตีตารมฺมณสฺส อรณสฺส ธมฺมสฺส อารมฺมณปจฺจเยน ปจฺจโย. (สํขิตฺตํ.)

๑๒๗. เหตุยา ตีณิ, อารมฺมเณ นว…เป… อวิคเต ตีณิ (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).