๑-๗. ปฏิจฺจวาราทิ

เหตุปจฺจโย

๑๑๗. มคฺคารมฺมณํ อรณํ ธมฺมํ ปฏิจฺจ มคฺคารมฺมโณ อรโณ ธมฺโม อุปฺปชฺชติ เหตุปจฺจยา… ตีณิ.

มคฺคเหตุกํ อรณํ ธมฺมํ ปฏิจฺจ มคฺคเหตุโก อรโณ ธมฺโม อุปฺปชฺชติ เหตุปจฺจยา… ตีณิ.

มคฺคาธิปตึ อรณํ ธมฺมํ ปฏิจฺจ มคฺคาธิปติ อรโณ ธมฺโม อุปฺปชฺชติ เหตุปจฺจยา… ปญฺจ.

มคฺคารมฺมณํ อรณญฺจ มคฺคาธิปตึ อรณญฺจ ธมฺมํ ปฏิจฺจ มคฺคารมฺมโณ อรโณ ธมฺโม อุปฺปชฺชติ เหตุปจฺจยา… ตีณิ.

มคฺคเหตุกํ อรณญฺจ มคฺคาธิปตึ อรณญฺจ ธมฺมํ ปฏิจฺจ มคฺคเหตุโก อรโณ ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

เหตุยา สตฺตรส…เป… อวิคเต สตฺตรส (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๑๑๘. มคฺคารมฺมโณ อรโณ ธมฺโม มคฺคารมฺมณสฺส อรณสฺส ธมฺมสฺส เหตุปจฺจเยน ปจฺจโย… ตีณิ.

มคฺคเหตุโก อรโณ ธมฺโม มคฺคเหตุกสฺส อรณสฺส ธมฺมสฺส เหตุปจฺจเยน ปจฺจโย… ตีณิ.

มคฺคาธิปติ อรโณ ธมฺโม มคฺคาธิปติสฺส อรณสฺส ธมฺมสฺส เหตุปจฺจเยน ปจฺจโย… ปญฺจ.

มคฺคารมฺมโณ อรโณ จ มคฺคาธิปติ อรโณ จ ธมฺมา มคฺคารมฺมณสฺส อรณสฺส ธมฺมสฺส เหตุปจฺจเยน ปจฺจโย… ตีณิ.

มคฺคเหตุโก อรโณ จ มคฺคาธิปติ อรโณ จ ธมฺมา มคฺคเหตุกสฺส อรณสฺส ธมฺมสฺส เหตุปจฺจเยน ปจฺจโย… ตีณิ (สํขิตฺตํ).

๑๑๙. เหตุยา สตฺตรส, อารมฺมเณ นว…เป… อวิคเต สตฺตรส (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)