๑-๗. ปฏิจฺจวาราทิ

ปจฺจยจตุกฺกํ

๖๐. อกุสลํ สรณํ ธมฺมํ ปฏิจฺจ อกุสโล สรโณ ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๖๑. กุสลํ อรณํ ธมฺมํ ปฏิจฺจ กุสโล อรโณ ธมฺโม อุปฺปชฺชติ เหตุปจฺจยา… ตีณิ.

อพฺยากตํ อรณํ ธมฺมํ ปฏิจฺจ อพฺยากโต อรโณ ธมฺโม อุปฺปชฺชติ เหตุปจฺจยา. (๑)

กุสลํ อรณญฺจ อพฺยากตํ อรณญฺจ ธมฺมํ ปฏิจฺจ อพฺยากโต อรโณ ธมฺโม อุปฺปชฺชติ เหตุปจฺจยา. (๑)

กุสลํ อรณํ ธมฺมํ ปฏิจฺจ กุสโล อรโณ ธมฺโม อุปฺปชฺชติ อารมฺมณปจฺจยา. (๑)

อพฺยากตํ อรณํ ธมฺมํ ปฏิจฺจ อพฺยากโต อรโณ ธมฺโม อุปฺปชฺชติ อารมฺมณปจฺจยา. (๑) (สํขิตฺตํ.)

๖๒. เหตุยา ปญฺจ, อารมฺมเณ เทฺว…เป… อวิคเต ปญฺจ (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๖๓. กุสโล อรโณ ธมฺโม กุสลสฺส อรณสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต อรโณ ธมฺโม อพฺยากตสฺส อรณสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๖๔. เหตุยา จตฺตาริ, อารมฺมเณ จตฺตาริ…เป… อวิคเต สตฺต (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

กุสลตฺติกปิฏฺฐิทุกํ นิฏฺฐิตํ.