๑-๗. ปฏิจฺจวาราทิ
เหตุปจฺจโย
๑๐๓. เนวเสกฺขนาเสกฺขํ สรณํ ธมฺมํ ปฏิจฺจ เนวเสกฺขนาเสกฺโข สรโณ ธมฺโม อุปฺปชฺชติ เหตุปจฺจยา (สํขิตฺตํ).
เหตุยา เอกํ…เป… อวิคเต เอกํ (สํขิตฺตํ).
(สหชาตวาเรปิ…เป… ปญฺหาวาเรปิ สพฺพตฺถ เอกํ.)
๑๐๔. เสกฺขํ อรณํ ธมฺมํ ปฏิจฺจ เสกฺโข อรโณ ธมฺโม อุปฺปชฺชติ เหตุปจฺจยา. เสกฺขํ อรณํ ธมฺมํ ปฏิจฺจ เนวเสกฺขนาเสกฺโข อรโณ ธมฺโม อุปฺปชฺชติ เหตุปจฺจยา. เสกฺขํ อรณํ ธมฺมํ ปฏิจฺจ เสกฺโข อรโณ จ เนวเสกฺขนาเสกฺโข อรโณ จ ธมฺมา อุปฺปชฺชนฺติ เหตุปจฺจยา. (๓)
อเสกฺขํ อรณํ ธมฺมํ ปฏิจฺจ อเสกฺโข อรโณ ธมฺโม อุปฺปชฺชติ เหตุปจฺจยา… ตีณิ.
เนวเสกฺขนาเสกฺขํ อรณํ ธมฺมํ ปฏิจฺจ เนวเสกฺขนาเสกฺโข อรโณ ธมฺโม อุปฺปชฺชติ เหตุปจฺจยา. (๑)
เสกฺขํ อรณญฺจ เนวเสกฺขนาเสกฺขํ อรณญฺจ ธมฺมํ…เป… เหตุปจฺจยา.
อเสกฺขํ อรณญฺจ เนวเสกฺขนาเสกฺขํ อรณญฺจ ธมฺมํ ปฏิจฺจ เนวเสกฺขนาเสกฺโข อรโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)
๑๐๕. เหตุยา นว, อารมฺมเณ ตีณิ…เป… อวิคเต นว.
(สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)
๑๐๖. เสกฺโข อรโณ ธมฺโม เสกฺขสฺส อรณสฺส ธมฺมสฺส เหตุปจฺจเยน ปจฺจโย… ตีณิ.
อเสกฺโข อรโณ ธมฺโม อเสกฺขสฺส อรณสฺส ธมฺมสฺส เหตุปจฺจเยน ปจฺจโย… ตีณิ.
เนวเสกฺขนาเสกฺโข อรโณ ธมฺโม เนวเสกฺขนาเสกฺขสฺส อรณสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)
๑๐๗. เหตุยา สตฺต, อารมฺมเณ ปญฺจ, อธิปติยา นว, อนนฺตเร อฏฺฐ…เป… อวิคเต เตรส (สํขิตฺตํ).
(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)