๑-๗. ปฏิจฺจวาราทิ

ปจฺจยจตุกฺกํ

๙๑. ปีติสหคตํ สรณํ ธมฺมํ ปฏิจฺจ ปีติสหคโต สรโณ ธมฺโม อุปฺปชฺชติ เหตุปจฺจยา… ตีณิ.

สุขสหคตํ สรณํ ธมฺมํ ปฏิจฺจ สุขสหคโต สรโณ ธมฺโม อุปฺปชฺชติ เหตุปจฺจยา… ตีณิ.

อุเปกฺขาสหคตํ สรณํ ธมฺมํ ปฏิจฺจ อุเปกฺขาสหคโต สรโณ ธมฺโม อุปฺปชฺชติ เหตุปจฺจยา. (๑)

ปีติสหคตํ สรณญฺจ สุขสหคตํ สรณญฺจ ธมฺมํ ปฏิจฺจ ปีติสหคโต สรโณ ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

เหตุยา ทส…เป… อวิคเต ทส (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๙๒. ปีติสหคโต สรโณ ธมฺโม ปีติสหคตสฺส สรณสฺส ธมฺมสฺส เหตุปจฺจเยน ปจฺจโย… ตีณิ.

สุขสหคโต สรโณ ธมฺโม สุขสหคตสฺส สรณสฺส ธมฺมสฺส เหตุปจฺจเยน ปจฺจโย… ตีณิ.

อุเปกฺขาสหคโต สรโณ ธมฺโม อุเปกฺขาสหคตสฺส สรณสฺส ธมฺมสฺส เหตุปจฺจเยน ปจฺจโย. (๑)

ปีติสหคโต สรโณ จ สุขสหคโต สรโณ จ ธมฺมา ปีติสหคตสฺส สรณสฺส ธมฺมสฺส เหตุปจฺจเยน ปจฺจโย… ตีณิ (สํขิตฺตํ).

๙๓. เหตุยา ทส, อารมฺมเณ โสฬส…เป… อวิคเต ทส (สํขิตฺตํ). (ยถา กุสลตฺติเก ปญฺหาวารํ, เอวํ วิตฺถาเรตพฺพํ).

๙๔. ปีติสหคตํ อรณํ ธมฺมํ ปฏิจฺจ ปีติสหคโต อรโณ ธมฺโม อุปฺปชฺชติ เหตุปจฺจยา (สํขิตฺตํ).

เหตุยา ทส…เป… อวิคเต ทส (สํขิตฺตํ).

(สหชาตวาเรปิ…เป… ปญฺหาวาเรปิ ตตฺตกาว ปญฺหา.)