๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๘๗. สวิตกฺกสวิจารํ สรณํ ธมฺมํ ปฏิจฺจ สวิตกฺกสวิจาโร สรโณ ธมฺโม อุปฺปชฺชติ เหตุปจฺจยา. สวิตกฺกสวิจารํ สรณํ ธมฺมํ ปฏิจฺจ อวิตกฺกวิจารมตฺโต สรโณ ธมฺโม อุปฺปชฺชติ เหตุปจฺจยา. สวิตกฺกสวิจารํ สรณํ ธมฺมํ ปฏิจฺจ สวิตกฺกสวิจาโร สรโณ จ อวิตกฺกวิจารมตฺโต สรโณ จ ธมฺมา อุปฺปชฺชนฺติ เหตุปจฺจยา. (๓)

อวิตกฺกวิจารมตฺตํ สรณํ ธมฺมํ ปฏิจฺจ สวิตกฺกสวิจาโร สรโณ ธมฺโม อุปฺปชฺชติ เหตุปจฺจยา. (๑)

สวิตกฺกสวิจารํ สรณญฺจ อวิตกฺกวิจารมตฺตํ สรณญฺจ ธมฺมํ ปฏิจฺจ สวิตกฺกสวิจาโร สรโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๘๘. เหตุยา ปญฺจ…เป… อวิคเต ปญฺจ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ วิตฺถาโร.)

๘๙. สวิตกฺกสวิจารํ อรณํ ธมฺมํ ปฏิจฺจ สวิตกฺกสวิจาโร อรโณ ธมฺโม อุปฺปชฺชติ เหตุปจฺจยา… สตฺต.

อวิตกฺกวิจารมตฺตํ อรณํ ธมฺมํ ปฏิจฺจ อวิตกฺกวิจารมตฺโต อรโณ ธมฺโม อุปฺปชฺชติ เหตุปจฺจยา … ปญฺจ.

อวิตกฺกอวิจารํ อรณํ ธมฺมํ ปฏิจฺจ อวิตกฺกอวิจาโร อรโณ ธมฺโม อุปฺปชฺชติ เหตุปจฺจยา (สํขิตฺตํ).

๙๐. เหตุยา สตฺตตึส…เป… อวิคเต สตฺตตึส (สํขิตฺตํ). (สหชาตวารมฺปิ…เป… ปญฺหาวารมฺปิ วิตฺถาเรตพฺพํ).