อนุตฺตรปทํ

เหตุ-อารมฺมณปจฺจยา

๕๗. กุสลํ อนุตฺตรํ ธมฺมํ ปฏิจฺจ กุสโล อนุตฺตโร ธมฺโม อุปฺปชฺชติ เหตุปจฺจยา. (๑)

อพฺยากตํ อนุตฺตรํ ธมฺมํ ปฏิจฺจ อพฺยากโต อนุตฺตโร ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๕๘. กุสโล อนุตฺตโร ธมฺโม กุสลสฺส อนุตฺตรสฺส ธมฺมสฺส เหตุปจฺจเยน ปจฺจโย. (๑)

อพฺยากโต อนุตฺตโร ธมฺโม อพฺยากตสฺส อนุตฺตรสฺส ธมฺมสฺส เหตุปจฺจเยน ปจฺจโย. (๑)

อพฺยากโต อนุตฺตโร ธมฺโม อพฺยากตสฺส อนุตฺตรสฺส ธมฺมสฺส อารมฺมณปจฺจเยน ปจฺจโย. (๑)

อพฺยากโต อนุตฺตโร ธมฺโม กุสลสฺส อนุตฺตรสฺส ธมฺมสฺส อารมฺมณปจฺจเยน ปจฺจโย. (๑) (สํขิตฺตํ.)

๕๙. เหตุยา เทฺว, อารมฺมเณ เทฺว, อธิปติยา ตีณิ, อนนฺตเร เทฺว…เป… อวิคเต เทฺว (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)