๑-๗. ปฏิจฺจวาราทิ

เหตุ-อารมฺมณปจฺจยา

๑๒. กุสลํ สวิตกฺกํ ธมฺมํ ปฏิจฺจ กุสโล สวิตกฺโก ธมฺโม อุปฺปชฺชติ เหตุปจฺจยา. (๑)

อกุสลํ สวิตกฺกํ ธมฺมํ ปฏิจฺจ อกุสโล สวิตกฺโก ธมฺโม อุปฺปชฺชติ เหตุปจฺจยา. (๑)

อพฺยากตํ สวิตกฺกํ ธมฺมํ ปฏิจฺจ อพฺยากโต สวิตกฺโก ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๓. เหตุยา ตีณิ, อารมฺมเณ ตีณิ…เป… อวิคเต ตีณิ (สํขิตฺตํ. สหชาตวารมฺปิ …เป… สมฺปยุตฺตวารมฺปิ ปฏิจฺจวารสทิสํ).

๑๔. กุสโล สวิตกฺโก ธมฺโม กุสลสฺส สวิตกฺกสฺส ธมฺมสฺส เหตุปจฺจเยน ปจฺจโย. (๑)

อกุสโล สวิตกฺโก ธมฺโม อกุสลสฺส สวิตกฺกสฺส ธมฺมสฺส เหตุปจฺจเยน ปจฺจโย. (๑)

อพฺยากโต สวิตกฺโก ธมฺโม อพฺยากตสฺส สวิตกฺกสฺส ธมฺมสฺส เหตุปจฺจเยน ปจฺจโย. (๑)

กุสโล สวิตกฺโก ธมฺโม กุสลสฺส สวิตกฺกสฺส ธมฺมสฺส อารมฺมณปจฺจเยน ปจฺจโย… ตีณิ.

อกุสโล สวิตกฺโก ธมฺโม อกุสลสฺส สวิตกฺกสฺส ธมฺมสฺส อารมฺมณปจฺจเยน ปจฺจโย… ตีณิ.

อพฺยากโต สวิตกฺโก ธมฺโม อพฺยากตสฺส สวิตกฺกสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ).

๑๕. เหตุยา ตีณิ, อารมฺมเณ นว, อธิปติยา สตฺต…เป… อวิคเต ตีณิ. (สํขิตฺตํ.)

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

อวิตกฺกปทํ

เหตุปจฺจโย

๑๖. กุสลํ อวิตกฺกํ ธมฺมํ ปฏิจฺจ กุสโล อวิตกฺโก ธมฺโม อุปฺปชฺชติ เหตุปจฺจยา (สํขิตฺตํ).

เหตุยา สตฺต, อารมฺมเณ เทฺว…เป… วิปาเก เอกํ, อวิคเต สตฺต (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๑๗. กุสโล อวิตกฺโก ธมฺโม กุสลสฺส อวิตกฺกสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต อวิตกฺโก ธมฺโม อพฺยากตสฺส อวิตกฺกสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๑๘. เหตุยา จตฺตาริ, อารมฺมเณ นว…เป… อวิคเต ทส (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).