๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๓๕. กุสลํ รูปาวจรํ ธมฺมํ ปฏิจฺจ กุสโล รูปาวจโร ธมฺโม อุปฺปชฺชติ เหตุปจฺจยา. (๑)

อพฺยากตํ รูปาวจรํ ธมฺมํ ปฏิจฺจ อพฺยากโต รูปาวจโร ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา เทฺว…เป… อวิคเต เทฺว (สํขิตฺตํ).

(สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)

๓๖. กุสลํ นรูปาวจรํ ธมฺมํ ปฏิจฺจ กุสโล นรูปาวจโร ธมฺโม อุปฺปชฺชติ เหตุปจฺจยา… ตีณิ.

อกุสลํ นรูปาวจรํ ธมฺมํ ปฏิจฺจ อกุสโล นรูปาวจโร ธมฺโม อุปฺปชฺชติ เหตุปจฺจยา… ตีณิ.

อพฺยากตํ นรูปาวจรํ ธมฺมํ ปฏิจฺจ อพฺยากโต นรูปาวจโร ธมฺโม อุปฺปชฺชติ เหตุปจฺจยา. (๑)

กุสลํ นรูปาวจรญฺจ อพฺยากตํ นรูปาวจรญฺจ ธมฺมํ ปฏิจฺจ อพฺยากโต นรูปาวจโร ธมฺโม อุปฺปชฺชติ เหตุปจฺจยา. (๑)

อกุสลํ นรูปาวจรญฺจ อพฺยากตํ นรูปาวจรญฺจ ธมฺมํ ปฏิจฺจ อพฺยากโต นรูปาวจโร ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๓๗. เหตุยา นว, อารมฺมเณ ตีณิ…เป… อวิคเต นว (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๓๘. กุสโล นรูปาวจโร ธมฺโม กุสลสฺส นรูปาวจรสฺส ธมฺมสฺส เหตุปจฺจเยน ปจฺจโย… ตีณิ.

อกุสโล นรูปาวจโร ธมฺโม อกุสลสฺส นรูปาวจรสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต นรูปาวจโร ธมฺโม อพฺยากตสฺส นรูปาวจรสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๓๙. เหตุยา สตฺต, อารมฺมเณ นว…เป… อวิคเต เตรส (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).