๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๒๘. กุสลํ กามาวจรํ ธมฺมํ ปฏิจฺจ กุสโล กามาวจโร ธมฺโม อุปฺปชฺชติ เหตุปจฺจยา. กุสลํ กามาวจรํ ธมฺมํ ปฏิจฺจ อพฺยากโต กามาวจโร ธมฺโม อุปฺปชฺชติ เหตุปจฺจยา. กุสลํ กามาวจรํ ธมฺมํ ปฏิจฺจ กุสโล กามาวจโร จ อพฺยากโต กามาวจโร จ ธมฺมา อุปฺปชฺชนฺติ เหตุปจฺจยา. (๓)

อกุสลํ กามาวจรํ ธมฺมํ ปฏิจฺจ อกุสโล กามาวจโร ธมฺโม อุปฺปชฺชติ เหตุปจฺจยา… ตีณิ.

อพฺยากตํ กามาวจรํ ธมฺมํ ปฏิจฺจ อพฺยากโต กามาวจโร ธมฺโม อุปฺปชฺชติ เหตุปจฺจยา. (๑)

กุสลํ กามาวจรญฺจ อพฺยากตํ กามาวจรญฺจ ธมฺมํ ปฏิจฺจ อพฺยากโต กามาวจโร ธมฺโม อุปฺปชฺชติ เหตุปจฺจยา. (๑)

อกุสลํ กามาวจรญฺจ อพฺยากตํ กามาวจรญฺจ ธมฺมํ ปฏิจฺจ อพฺยากโต กามาวจโร ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๙. เหตุยา นว, อารมฺมเณ ตีณิ…เป… อวิคเต นว (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๓๐. กุสโล กามาวจโร ธมฺโม กุสลสฺส กามาวจรสฺส ธมฺมสฺส เหตุปจฺจเยน ปจฺจโย… ตีณิ.

อกุสโล กามาวจโร ธมฺโม กุสลสฺส กามาวจรสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต กามาวจโร ธมฺโม อพฺยากตสฺส กามาวจรสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๓๑. เหตุยา สตฺต, อารมฺมเณ นว, อธิปติยา นว…เป… อวิคเต เตรส (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).

นกามาวจรปทํ

เหตุ-อารมฺมณปจฺจยา

๓๒. กุสลํ นกามาวจรํ ธมฺมํ ปฏิจฺจ กุสโล นกามาวจโร ธมฺโม อุปฺปชฺชติ เหตุปจฺจยา. (๑)

อพฺยากตํ นกามาวจรํ ธมฺมํ ปฏิจฺจ อพฺยากโต นกามาวจโร ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๓๓. กุสโล นกามาวจโร ธมฺโม กุสลสฺส นกามาวจรสฺส ธมฺมสฺส เหตุปจฺจเยน ปจฺจโย. (๑)

อพฺยากโต นกามาวจโร ธมฺโม อพฺยากตสฺส นกามาวจรสฺส ธมฺมสฺส เหตุปจฺจเยน ปจฺจโย. (๑)

กุสโล นกามาวจโร ธมฺโม กุสลสฺส นกามาวจรสฺส ธมฺมสฺส อารมฺมณปจฺจเยน ปจฺจโย. กุสโล นกามาวจโร ธมฺโม อพฺยากตสฺส นกามาวจรสฺส ธมฺมสฺส อารมฺมณปจฺจเยน ปจฺจโย. (๒)

อพฺยากโต นกามาวจโร ธมฺโม อพฺยากตสฺส นกามาวจรสฺส ธมฺมสฺส อารมฺมณปจฺจเยน ปจฺจโย. อพฺยากโต นกามาวจโร ธมฺโม กุสลสฺส นกามาวจรสฺส ธมฺมสฺส อารมฺมณปจฺจเยน ปจฺจโย. (๒)

๓๔. เหตุยา เทฺว, อารมฺมเณ จตฺตาริ, อธิปติยา ตีณิ…เป… อวิคเต เทฺว (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)