อปฺปีติกปทํ

เหตุปจฺจโย

๒๔. กุสลํ อปฺปีติกํ ธมฺมํ ปฏิจฺจ กุสโล อปฺปีติโก ธมฺโม อุปฺปชฺชติ เหตุปจฺจยา… ตีณิ.

อกุสลํ อปฺปีติกํ ธมฺมํ ปฏิจฺจ อกุสโล อปฺปีติโก ธมฺโม อุปฺปชฺชติ เหตุปจฺจยา… ตีณิ.

อพฺยากตํ อปฺปีติกํ ธมฺมํ ปฏิจฺจ อพฺยากโต อปฺปีติโก ธมฺโม อุปฺปชฺชติ เหตุปจฺจยา. (๑)

กุสลํ อปฺปีติกญฺจ อพฺยากตํ อปฺปีติกญฺจ ธมฺมํ ปฏิจฺจ อพฺยากโต อปฺปีติโก ธมฺโม อุปฺปชฺชติ เหตุปจฺจยา. (๑)

อกุสลํ อปฺปีติกญฺจ อพฺยากตํ อปฺปีติกญฺจ ธมฺมํ ปฏิจฺจ อพฺยากโต อปฺปีติโก ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๕. เหตุยา นว, อารมฺมเณ ตีณิ…เป… อวิคเต นว (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๒๖. กุสโล อปฺปีติโก ธมฺโม กุสลสฺส อปฺปีติกสฺส ธมฺมสฺส เหตุปจฺจเยน ปจฺจโย (สํขิตฺตํ).

เหตุยา สตฺต, อารมฺมเณ นว…เป… อวิคเต เตรส (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).