๑-๗. ปฏิจฺจวาราทิ

เหตุปจฺจโย

๑. อกุสลํ ทสฺสเนน ปหาตพฺพํ ธมฺมํ ปฏิจฺจ อกุสโล ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๒. กุสลํ นทสฺสเนน ปหาตพฺพํ ธมฺมํ ปฏิจฺจ กุสโล นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิ.

อกุสลํ นทสฺสเนน ปหาตพฺพํ ธมฺมํ ปฏิจฺจ อกุสโล นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิ.

อพฺยากตํ นทสฺสเนน ปหาตพฺพํ ธมฺมํ ปฏิจฺจ อพฺยากโต นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา. (๑)

กุสลํ นทสฺสเนน ปหาตพฺพญฺจ อพฺยากตํ นทสฺสเนน ปหาตพฺพญฺจ ธมฺมํ ปฏิจฺจ อพฺยากโต นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา. (๑)

อกุสลํ นทสฺสเนน ปหาตพฺพญฺจ อพฺยากตํ นทสฺสเนน ปหาตพฺพญฺจ ธมฺมํ ปฏิจฺจ อพฺยากโต นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา. (๑)

๓. เหตุยา นว, อารมฺมเณ ตีณิ…เป… อวิคเต นว (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๔. กุสโล นทสฺสเนน ปหาตพฺโพ ธมฺโม กุสลสฺส นทสฺสเนน ปหาตพฺพสฺส ธมฺมสฺส เหตุปจฺจเยน ปจฺจโย… ตีณิ.

อกุสโล นทสฺสเนน ปหาตพฺโพ ธมฺโม อกุสลสฺส นทสฺสเนน ปหาตพฺพสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต นทสฺสเนน ปหาตพฺโพ ธมฺโม อพฺยากตสฺส นทสฺสเนน ปหาตพฺพสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๕. เหตุยา สตฺต, อารมฺมเณ นว, อธิปติยา ทส, อนนฺตเร สตฺต…เป… อวิคเต เตรส (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)