๑. วิภงฺควาโร

เหตุปจฺจโย

๘๖. กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ ธมฺมสฺส เหตุปจฺจเยน ปจฺจโย – กิเลสา เจว สํกิลิฏฺฐา จ เหตู สมฺปยุตฺตกานํ กิเลสานํ เหตุปจฺจเยน ปจฺจโย. (๑)

กิเลโส เจว สํกิลิฏฺโฐ จ ธมฺโม สํกิลิฏฺฐสฺส เจว โน จ กิเลสสฺส ธมฺมสฺส เหตุปจฺจเยน ปจฺจโย – กิเลสา เจว สํกิลิฏฺฐา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโย.

กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ สํกิลิฏฺฐสฺส เจว โน จ กิเลสสฺส จ ธมฺมสฺส เหตุปจฺจเยน ปจฺจโย – กิเลสา เจว สํกิลิฏฺฐา จ เหตู สมฺปยุตฺตกานํ ขนฺธานํ กิเลสานญฺจ เหตุปจฺจเยน ปจฺจโย. (๓)

อารมฺมณปจฺจโย

๘๗. กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ ธมฺมสฺส อารมฺมณปจฺจเยน ปจฺจโย – กิเลเส อารพฺภ กิเลสา อุปฺปชฺชนฺติ. (มูลํ กาตพฺพํ.) กิเลเส อารพฺภ สํกิลิฏฺฐา เจว โน จ กิเลสา ขนฺธา อุปฺปชฺชนฺติ. (มูลํ กาตพฺพํ.) กิเลเส อารพฺภ กิเลสา จ สมฺปยุตฺตกา ขนฺธา จ อุปฺปชฺชนฺติ. (๓)

๘๘. สํกิลิฏฺโฐ เจว โน จ กิเลโส ธมฺโม สํกิลิฏฺฐสฺส เจว โน จ กิเลสสฺส ธมฺมสฺส อารมฺมณปจฺจเยน ปจฺจโย – สํกิลิฏฺเฐ เจว โน จ กิเลเส ขนฺเธ อารพฺภ สํกิลิฏฺฐา เจว โน จ กิเลสา ขนฺธา อุปฺปชฺชนฺติ. (มูลํ กาตพฺพํ.) สํกิลิฏฺเฐ เจว โน จ กิเลเส ขนฺเธ อารพฺภ กิเลสา อุปฺปชฺชนฺติ. (มูลํ กาตพฺพํ.) สํกิลิฏฺเฐ เจว โน จ กิเลเส ขนฺเธ อารพฺภ กิเลสา จ สมฺปยุตฺตกา ขนฺธา จ อุปฺปชฺชนฺติ. (๓)

(อิตเรปิ ตีณิ กาตพฺพา.)

อธิปติปจฺจโย

๘๙. กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิ.

สํกิลิฏฺโฐ เจว โน จ กิเลโส ธมฺโม สํกิลิฏฺฐสฺส เจว โน จ กิเลสสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ. อารมฺมณาธิปติ – สํกิลิฏฺเฐ เจว โน จ กิเลเส ขนฺเธ ครุํ กตฺวา…เป… ตีณิ. (เทฺว อธิปติ ตีณิปิ กาตพฺพา, อิตเร เทฺวปิ ตีณิ กาตพฺพา.)

อนนฺตรปจฺจยาทิ

๙๐. กิเลโส เจว สํกิลิฏฺโฐ จ ธมฺโม กิเลสสฺส เจว สํกิลิฏฺฐสฺส จ ธมฺมสฺส อนนฺตรปจฺจเยน ปจฺจโย (นวปิ กาตพฺพา, อาวชฺชนาปิ วุฏฺฐานมฺปิ นตฺถิ)… สมนนฺตรปจฺจเยน ปจฺจโย… สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… อุปนิสฺสยปจฺจเยน ปจฺจโย… นว ปญฺหา (ปุเรชาตปจฺจโย ปจฺฉาชาตปจฺจโยปิ นตฺถิ)… อาเสวนปจฺจเยน ปจฺจโย.

กมฺมปจฺจยาทิ

๙๑. สํกิลิฏฺโฐ เจว โน จ กิเลโส ธมฺโม สํกิลิฏฺฐสฺส เจว โน จ กิเลสสฺส ธมฺมสฺส กมฺมปจฺจเยน ปจฺจโย – สํกิลิฏฺฐา เจว โน จ กิเลสา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโย. (๑)

สํกิลิฏฺโฐ เจว โน จ กิเลโส ธมฺโม กิเลสสฺส เจว สํกิลิฏฺฐสฺส จ ธมฺมสฺส กมฺมปจฺจเยน ปจฺจโย – สํกิลิฏฺฐา เจว โน จ กิเลสา เจตนา สมฺปยุตฺตกานํ กิเลสานํ กมฺมปจฺจเยน ปจฺจโย. (๒)

สํกิลิฏฺโฐ เจว โน จ กิเลโส ธมฺโม กิเลสสฺส เจว สํกิลิฏฺฐสฺส จ สํกิลิฏฺฐสฺส เจว โน จ กิเลสสฺส ธมฺมสฺส กมฺมปจฺจเยน ปจฺจโย – สํกิลิฏฺฐา เจว โน จ กิเลสา เจตนา สมฺปยุตฺตกานํ ขนฺธานํ กิเลสานญฺจ กมฺมปจฺจเยน ปจฺจโย. (๓)

อาหารปจฺจเยน ปจฺจโย… ตีณิ… อินฺทฺริยปจฺจเยน ปจฺจโย… ตีณิ… ฌานปจฺจเยน ปจฺจโย… ตีณิ… มคฺคปจฺจเยน ปจฺจโย… นว… สมฺปยุตฺตปจฺจเยน ปจฺจโย… นว… อตฺถิปจฺจเยน ปจฺจโย… นว… นตฺถิปจฺจเยน ปจฺจโย… วิคตปจฺจเยน ปจฺจโย… อวิคตปจฺจเยน ปจฺจโย… นว.