๑. วิภงฺควาโร

เหตุปจฺจโย

๘๐. กิเลสญฺเจว สํกิลิฏฺฐญฺจ ธมฺมํ ปฏิจฺจ กิเลโส เจว สํกิลิฏฺโฐ จ ธมฺโม อุปฺปชฺชติ เหตุปจฺจยา – โลภํ ปฏิจฺจ โมโห ทิฏฺฐิ ถินํ อุทฺธจฺจํ อหิริกํ อโนตฺตปฺปํ (จกฺกํ). (๑)

กิเลสญฺเจว สํกิลิฏฺฐญฺจ ธมฺมํ ปฏิจฺจ สํกิลิฏฺโฐ เจว โน จ กิเลโส ธมฺโม อุปฺปชฺชติ เหตุปจฺจยา – กิเลเส ปฏิจฺจ สมฺปยุตฺตกา ขนฺธา. (๒)

กิเลสญฺเจว สํกิลิฏฺฐญฺจ ธมฺมํ ปฏิจฺจ กิเลโส เจว สํกิลิฏฺโฐ จ สํกิลิฏฺโฐ เจว โน จ กิเลโส จ ธมฺมา อุปฺปชฺชนฺติ เหตุปจฺจยา – โลภํ ปฏิจฺจ โมโห ทิฏฺฐิ ถินํ อุทฺธจฺจํ อหิริกํ อโนตฺตปฺปํ สมฺปยุตฺตกา จ ขนฺธา (จกฺกํ). (๓)

๘๑. สํกิลิฏฺฐญฺเจว โน จ กิเลสํ ธมฺมํ ปฏิจฺจ สํกิลิฏฺโฐ เจว โน จ กิเลโส ธมฺโม อุปฺปชฺชติ เหตุปจฺจยา – สํกิลิฏฺฐญฺเจว โน จ กิเลสํ เอกํ ขนฺธํ ปฏิจฺจ ตโย ขนฺธา…เป… เทฺว ขนฺเธ…เป…. (๑)

สํกิลิฏฺฐญฺเจว โน จ กิเลสํ ธมฺมํ ปฏิจฺจ กิเลโส เจว สํกิลิฏฺโฐ จ ธมฺโม อุปฺปชฺชติ เหตุปจฺจยา – สํกิลิฏฺเฐ เจว โน จ กิเลเส ขนฺเธ ปฏิจฺจ กิเลสา. (๒)

สํกิลิฏฺฐญฺเจว โน จ กิเลสํ ธมฺมํ ปฏิจฺจ กิเลโส เจว สํกิลิฏฺโฐ จ สํกิลิฏฺโฐ เจว โน จ กิเลโส จ ธมฺมา อุปฺปชฺชนฺติ เหตุปจฺจยา – สํกิลิฏฺฐญฺเจว โน จ กิเลสํ เอกํ ขนฺธํ ปฏิจฺจ ตโย ขนฺธา กิเลสา จ…เป… เทฺว ขนฺเธ…เป…. (๓)

๘๒. กิเลสญฺเจว สํกิลิฏฺฐญฺจ สํกิลิฏฺฐญฺเจว โน จ กิเลสญฺจ ธมฺมํ ปฏิจฺจ กิเลโส เจว สํกิลิฏฺโฐ จ ธมฺโม อุปฺปชฺชติ เหตุปจฺจยา – โลภญฺจ สมฺปยุตฺตเก จ ขนฺเธ ปฏิจฺจ โมโห ทิฏฺฐิ ถินํ อุทฺธจฺจํ อหิริกํ อโนตฺตปฺปํ (จกฺกํ). (๑)

กิเลสญฺเจว สํกิลิฏฺฐญฺจ สํกิลิฏฺฐญฺเจว โน จ กิเลสญฺจ ธมฺมํ ปฏิจฺจ สํกิลิฏฺโฐ เจว โน จ กิเลโส ธมฺโม อุปฺปชฺชติ เหตุปจฺจยา – สํกิลิฏฺฐญฺเจว โน จ กิเลสํ เอกํ ขนฺธญฺจ กิเลเส จ ปฏิจฺจ ตโย ขนฺธา…เป… เทฺว ขนฺเธ จ…เป…. (๒)

กิเลสญฺเจว สํกิลิฏฺฐญฺจ สํกิลิฏฺฐญฺเจว โน จ กิเลสญฺจ ธมฺมํ ปฏิจฺจ กิเลโส เจว สํกิลิฏฺโฐ จ สํกิลิฏฺโฐ เจว โน จ กิเลโส จ ธมฺมา อุปฺปชฺชนฺติ เหตุปจฺจยา – สํกิลิฏฺฐญฺเจว โน จ กิเลสํ เอกํ ขนฺธญฺจ โลภญฺจ ปฏิจฺจ ตโย ขนฺธา โมโห ทิฏฺฐิ ถินํ อุทฺธจฺจํ อหิริกํ อโนตฺตปฺปํ…เป… เทฺว ขนฺเธ จ…เป… (จกฺกํ). (๓)