๑. ปฏิจฺจวาโร

๗๓. กิเลสสมฺปยุตฺตํ ธมฺมํ ปฏิจฺจ กิเลสสมฺปยุตฺโต ธมฺโม อุปฺปชฺชติ เหตุปจฺจยา – กิเลสสมฺปยุตฺตํ เอกํ ขนฺธํ ปฏิจฺจ ตโย ขนฺธา…เป… เทฺว ขนฺเธ…เป…. (๑)

กิเลสสมฺปยุตฺตํ ธมฺมํ ปฏิจฺจ กิเลสวิปฺปยุตฺโต ธมฺโม อุปฺปชฺชติ เหตุปจฺจยา – กิเลสสมฺปยุตฺเต ขนฺเธ ปฏิจฺจ จิตฺตสมุฏฺฐานํ รูปํ. (๒)

(กิเลสสมฺปยุตฺตทุกํ สํกิลิฏฺฐทุกสทิสํ, นินฺนานากรณํ.)

กิเลสสมฺปยุตฺตทุกํ นิฏฺฐิตํ.