๑. วิภงฺควาโร

เหตุปจฺจโย

๔๔. สํกิลิฏฺฐํ ธมฺมํ ปจฺจยา สํกิลิฏฺโฐ ธมฺโม อุปฺปชฺชติ เหตุปจฺจยา… ตีณิ (ปฏิจฺจสทิสํ).

อสํกิลิฏฺฐํ ธมฺมํ ปจฺจยา อสํกิลิฏฺโฐ ธมฺโม อุปฺปชฺชติ เหตุปจฺจยา – อสํกิลิฏฺฐํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ…เป… ปฏิสนฺธิกฺขเณ…เป… (ยาว อชฺฌตฺติกา มหาภูตา) วตฺถุํ ปจฺจยา อสํกิลิฏฺฐา ขนฺธา. (๑)

อสํกิลิฏฺฐํ ธมฺมํ ปจฺจยา สํกิลิฏฺโฐ ธมฺโม อุปฺปชฺชติ เหตุปจฺจยา – วตฺถุํ ปจฺจยา สํกิลิฏฺฐา ขนฺธา. (๒)

อสํกิลิฏฺฐํ ธมฺมํ ปจฺจยา สํกิลิฏฺโฐ จ อสํกิลิฏฺโฐ จ ธมฺมา อุปฺปชฺชนฺติ เหตุปจฺจยา – วตฺถุํ ปจฺจยา สํกิลิฏฺฐา ขนฺธา, มหาภูเต ปจฺจยา จิตฺตสมุฏฺฐานํ รูปํ. (๓)

๔๕. สํกิลิฏฺฐญฺจ อสํกิลิฏฺฐญฺจ ธมฺมํ ปจฺจยา สํกิลิฏฺโฐ ธมฺโม อุปฺปชฺชติ เหตุปจฺจยา – สํกิลิฏฺฐํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป… เทฺว ขนฺเธ จ…เป…. (๑)

สํกิลิฏฺฐญฺจ อสํกิลิฏฺฐญฺจ ธมฺมํ ปจฺจยา อสํกิลิฏฺโฐ ธมฺโม อุปฺปชฺชติ เหตุปจฺจยา – สํกิลิฏฺเฐ ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ. (๒)

สํกิลิฏฺฐญฺจ อสํกิลิฏฺฐญฺจ ธมฺมํ ปจฺจยา สํกิลิฏฺโฐ จ อสํกิลิฏฺโฐ จ ธมฺมา อุปฺปชฺชนฺติ เหตุปจฺจยา – สํกิลิฏฺฐํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป… เทฺว ขนฺเธ จ…เป… สํกิลิฏฺเฐ ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ (สํขิตฺตํ). (๓)