๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๒๕๐. เหตุํ อุเปกฺขาสหคตํ ธมฺมํ ปฏิจฺจ เหตุ อุเปกฺขาสหคโต ธมฺโม อุปฺปชฺชติ เหตุปจฺจยา… ตีณิ.

นเหตุํ อุเปกฺขาสหคตํ ธมฺมํ ปฏิจฺจ นเหตุ อุเปกฺขาสหคโต ธมฺโม อุปฺปชฺชติ เหตุปจฺจยา… ตีณิ.

เหตุํ อุเปกฺขาสหคตญฺจ นเหตุํ อุเปกฺขาสหคตญฺจ ธมฺมํ ปฏิจฺจ เหตุ อุเปกฺขาสหคโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๒๕๑. เหตุยา นว, อารมฺมเณ นว, อธิปติยา นว…เป… กมฺเม นว, วิปาเก นว…เป… อวิคเต นว (สํขิตฺตํ).

นเหตุปจฺจยาทิ

๒๕๒. นเหตุํ อุเปกฺขาสหคตํ ธมฺมํ ปฏิจฺจ นเหตุ อุเปกฺขาสหคโต ธมฺโม อุปฺปชฺชติ นเหตุปจฺจยา… เทฺว.

เหตุํ อุเปกฺขาสหคตํ ธมฺมํ ปฏิจฺจ เหตุ อุเปกฺขาสหคโต ธมฺโม อุปฺปชฺชติ นอธิปติปจฺจยา… นว.

เหตุํ อุเปกฺขาสหคตํ ธมฺมํ ปฏิจฺจ เหตุ อุเปกฺขาสหคโต ธมฺโม อุปฺปชฺชติ นปุเรชาตปจฺจยา… นว.

เหตุํ อุเปกฺขาสหคตํ ธมฺมํ ปฏิจฺจ เหตุ อุเปกฺขาสหคโต ธมฺโม อุปฺปชฺชติ นปจฺฉาชาตปจฺจยา… นว (สํขิตฺตํ).

๒๕๓. นเหตุยา เทฺว, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นฌาเน เอกํ, นมคฺเค เอกํ, นวิปฺปยุตฺเต นว (สํขิตฺตํ).

เหตุปจฺจยา นอธิปติยา นว (สํขิตฺตํ).

นเหตุปจฺจยา อารมฺมเณ เทฺว (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)