๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๒๔๒. เหตุํ สุขสหคตํ ธมฺมํ ปฏิจฺจ เหตุ สุขสหคโต ธมฺโม อุปฺปชฺชติ เหตุปจฺจยา… ตีณิ.

นเหตุํ สุขสหคตํ ธมฺมํ ปฏิจฺจ นเหตุ สุขสหคโต ธมฺโม อุปฺปชฺชติ เหตุปจฺจยา… ตีณิ.

เหตุํ สุขสหคตญฺจ นเหตุํ สุขสหคตญฺจ ธมฺมํ ปฏิจฺจ เหตุ สุขสหคโต ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๒๔๓. เหตุยา นว, อารมฺมเณ นว, อธิปติยา นว…เป… อวิคเต นว (สํขิตฺตํ).

นเหตุ-นอธิปติปจฺจยา

๒๔๔. นเหตุํ สุขสหคตํ ธมฺมํ ปฏิจฺจ นเหตุ สุขสหคโต ธมฺโม อุปฺปชฺชติ นเหตุปจฺจยา.

เหตุํ สุขสหคตํ ธมฺมํ ปฏิจฺจ เหตุ สุขสหคโต ธมฺโม อุปฺปชฺชติ นอธิปติปจฺจยา… นว (สํขิตฺตํ).

๒๔๕. นเหตุยา เอกํ, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นฌาเน เอกํ, นมคฺเค เอกํ, นวิปฺปยุตฺเต นว (สํขิตฺตํ).

เหตุปจฺจยา นอธิปติยา นว (สํขิตฺตํ).

นเหตุปจฺจยา อารมฺมเณ เอกํ (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)