๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๒๒๖. เหตุํ อวิตกฺกอวิจารํ ธมฺมํ ปฏิจฺจ เหตุ อวิตกฺกอวิจาโร ธมฺโม อุปฺปชฺชติ เหตุปจฺจยา (สํขิตฺตํ).

๒๒๗. เหตุยา นว, อารมฺมเณ นว, อธิปติยา นว…เป… กมฺเม นว, วิปาเก นว…เป… วิคเต นว, อวิคเต นว (สํขิตฺตํ).

นเหตุปจฺจยาทิ

๒๒๘. นเหตุํ อวิตกฺกอวิจารํ ธมฺมํ ปฏิจฺจ นเหตุ อวิตกฺกอวิจาโร ธมฺโม อุปฺปชฺชติ นเหตุปจฺจยา. (๑)

เหตุํ อวิตกฺกอวิจารํ ธมฺมํ ปฏิจฺจ นเหตุ อวิตกฺกอวิจาโร ธมฺโม อุปฺปชฺชติ นอารมฺมณปจฺจยา. (๑)

นเหตุํ อวิตกฺกอวิจารํ ธมฺมํ ปฏิจฺจ นเหตุ อวิตกฺกอวิจาโร ธมฺโม อุปฺปชฺชติ นอารมฺมณปจฺจยา. (๑)

เหตุํ อวิตกฺกอวิจารญฺจ นเหตุํ อวิตกฺกอวิจารญฺจ ธมฺมํ ปฏิจฺจ นเหตุ อวิตกฺกอวิจาโร ธมฺโม อุปฺปชฺชติ นอารมฺมณปจฺจยา. (๑)

เหตุํ อวิตกฺกอวิจารํ ธมฺมํ ปฏิจฺจ เหตุ อวิตกฺกอวิจาโร ธมฺโม อุปฺปชฺชติ นอธิปติปจฺจยา… นว (สํขิตฺตํ).

๒๒๙. นเหตุยา เอกํ, นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ, นอญฺญมญฺเญ ตีณิ, นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค เอกํ, นสมฺปยุตฺเต ตีณิ, นวิปฺปยุตฺเต นว, โนนตฺถิยา ตีณิ, โนวิคเต ตีณิ (สํขิตฺตํ).

เหตุปจฺจยา นอารมฺมเณ ตีณิ (สํขิตฺตํ).

นเหตุปจฺจยา อารมฺมเณ เอกํ (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)