๗. ปญฺหาวาโร

ปจฺจยจตุกฺกํ

เหตุ-อารมฺมณปจฺจยา

๒๐๖. เหตุ อสํกิลิฏฺฐอสํกิเลสิโก ธมฺโม เหตุสฺส อสํกิลิฏฺฐอสํกิเลสิกสฺส ธมฺมสฺส เหตุปจฺจเยน ปจฺจโย… ตีณิ.

นเหตุ อสํกิลิฏฺฐอสํกิเลสิโก ธมฺโม นเหตุสฺส อสํกิลิฏฺฐอสํกิเลสิกสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ).

๒๐๗. เหตุยา ตีณิ, อารมฺมเณ ตีณิ, อธิปติยา ฉ, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว, ฌาเน ตีณิ, มคฺเค นว, สมฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นว (สํขิตฺตํ).

ปจฺจนียุทฺธาโร

๒๐๘. เหตุ อสํกิลิฏฺฐอสํกิเลสิโก ธมฺโม เหตุสฺส อสํกิลิฏฺฐอสํกิเลสิกสฺส ธมฺมสฺส สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ).

๒๐๙. นเหตุยา นว นอารมฺมเณ นว (สํขิตฺตํ).

เหตุปจฺจยา นอารมฺมเณ ตีณิ (สํขิตฺตํ).

นเหตุปจฺจยา อารมฺมเณ ตีณิ (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

เหตุทุกสํกิลิฏฺฐตฺติกํ นิฏฺฐิตํ.