๗. ปญฺหาวาโร

ปจฺจยจตุกฺกํ

เหตุปจฺจยาทิ

๑๙๘. เหตุ อสํกิลิฏฺฐสํกิเลสิโก ธมฺโม เหตุสฺส อสํกิลิฏฺฐสํกิเลสิกสฺส ธมฺมสฺส เหตุปจฺจเยน ปจฺจโย… ตีณิ.

เหตุ อสํกิลิฏฺฐสํกิเลสิโก ธมฺโม เหตุสฺส อสํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… นว.

เหตุ อสํกิลิฏฺฐสํกิเลสิโก ธมฺโม เหตุสฺส อสํกิลิฏฺฐสํกิเลสิกสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิ.

นเหตุ อสํกิลิฏฺฐสํกิเลสิโก ธมฺโม นเหตุสฺส อสํกิลิฏฺฐสํกิเลสิกสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิ.

เหตุ อสํกิลิฏฺฐสํกิเลสิโก จ นเหตุ อสํกิลิฏฺฐสํกิเลสิโก จ ธมฺมา เหตุสฺส อสํกิลิฏฺฐสํกิเลสิกสฺส ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิ (สํขิตฺตํ).

๑๙๙. เหตุยา ตีณิ, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, ปุเรชาเต ตีณิ, ปจฺฉาชาเต ตีณิ, อาเสวเน นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว, ฌาเน ตีณิ, มคฺเค นว, สมฺปยุตฺเต นว, วิปฺปยุตฺเต ปญฺจ, อตฺถิยา นว, นตฺถิยา นว, วิคเต นว, อวิคเต นว (สํขิตฺตํ).

ปจฺจนียุทฺธาโร

๒๐๐. เหตุ อสํกิลิฏฺฐสํกิเลสิโก ธมฺโม เหตุสฺส อสํกิลิฏฺฐสํกิเลสิกสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ).

๒๐๑. นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ ตีณิ (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)