๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๑๘๖. เหตุํ สํกิลิฏฺฐสํกิเลสิกํ ธมฺมํ ปฏิจฺจ เหตุ สํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… ตีณิ.

นเหตุํ สํกิลิฏฺฐสํกิเลสิกํ ธมฺมํ ปฏิจฺจ นเหตุ สํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… ตีณิ.

เหตุํ สํกิลิฏฺฐสํกิเลสิกญฺจ นเหตุํ สํกิลิฏฺฐสํกิเลสิกญฺจ ธมฺมํ ปฏิจฺจ เหตุ สํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๑๘๗. เหตุยา นว, อารมฺมเณ นว, อธิปติยา นว…เป… กมฺเม นว, อาหาเร นว, อวิคเต นว (สํขิตฺตํ).

นเหตุ-นอธิปติปจฺจยา

๑๘๘. นเหตุํ สํกิลิฏฺฐสํกิเลสิกํ ธมฺมํ ปฏิจฺจ เหตุ สํกิลิฏฺฐสํกิเลสิโก ธมฺโม อุปฺปชฺชติ นเหตุปจฺจยา.

เหตุํ สํกิลิฏฺฐสํกิเลสิกํ ธมฺมํ ปฏิจฺจ เหตุ สํกิลิฏฺฐสํกิเลสิโก ธมฺโม อุปฺปชฺชติ นอธิปติปจฺจยา (สํขิตฺตํ).

๑๘๙. นเหตุยา เอกํ, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ).

เหตุปจฺจยา นอธิปติยา นว (สํขิตฺตํ).

นเหตุปจฺจยา อารมฺมเณ เอกํ (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)