๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๑๗๗. เหตุํ อนุปาทินฺนอนุปาทานิยํ ธมฺมํ ปฏิจฺจ เหตุ อนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… ตีณิ.

นเหตุํ อนุปาทินฺนอนุปาทานิยํ ธมฺมํ ปฏิจฺจ นเหตุ อนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… ตีณิ.

เหตุํ อนุปาทินฺนอนุปาทานิยญฺจ นเหตุํ อนุปาทินฺนอนุปาทานิยญฺจ ธมฺมํ ปฏิจฺจ เหตุ อนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๑๗๘. เหตุยา นว, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, ปุเรชาเต นว, อาเสวเน นว, กมฺเม นว, วิปาเก นว, อาหาเร นว, อินฺทฺริเย นว, ฌาเน นว, มคฺเค นว, สมฺปยุตฺเต นว, วิปฺปยุตฺเต นว, อตฺถิยา นว, นตฺถิยา นว, วิคเต นว, อวิคเต นว.

นอธิปติปจฺจโย

๑๗๙. เหตุํ อนุปาทินฺนอนุปาทานิยํ ธมฺมํ ปฏิจฺจ เหตุ อนุปาทินฺนอนุปาทานิโย ธมฺโม อุปฺปชฺชติ นอธิปติปจฺจยา. เหตุํ อนุปาทินฺนอนุปาทานิยํ ธมฺมํ ปฏิจฺจ นเหตุ อนุปาทินฺนอนุปาทานิโย ธมฺโม อุปฺปชฺชติ นอธิปติปจฺจยา. (๒)

นเหตุํ อนุปาทินฺนอนุปาทานิยํ ธมฺมํ ปฏิจฺจ นเหตุ อนุปาทินฺนอนุปาทานิโย ธมฺโม อุปฺปชฺชติ นอธิปติปจฺจยา. นเหตุํ อนุปาทินฺนอนุปาทานิยํ ธมฺมํ ปฏิจฺจ เหตุ อนุปาทินฺนอนุปาทานิโย ธมฺโม อุปฺปชฺชติ นอธิปติปจฺจยา. (๒)

เหตุํ อนุปาทินฺนอนุปาทานิยญฺจ นเหตุํ อนุปาทินฺนอนุปาทานิยญฺจ ธมฺมํ ปฏิจฺจ เหตุ อนุปาทินฺนอนุปาทานิโย ธมฺโม อุปฺปชฺชติ นอธิปติปจฺจยา. เหตุํ อนุปาทินฺนอนุปาทานิยญฺจ นเหตุํ อนุปาทินฺนอนุปาทานิยญฺจ ธมฺมํ ปฏิจฺจ นเหตุ อนุปาทินฺนอนุปาทานิโย ธมฺโม อุปฺปชฺชติ นอธิปติปจฺจยา. (๒) (สํขิตฺตํ.)

๑๘๐. นอธิปติยา ฉ, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ).

เหตุปจฺจยา นอธิปติยา ฉ (สํขิตฺตํ).

นอธิปติปจฺจยา เหตุยา ฉ (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)