๗. ปญฺหาวาโร

๕๒๑. เหตุ พหิทฺธา ธมฺโม เหตุสฺส พหิทฺธา ธมฺมสฺส เหตุปจฺจเยน ปจฺจโย… ตีณิ.

เหตุ พหิทฺธา ธมฺโม เหตุสฺส พหิทฺธา ธมฺมสฺส อารมฺมณปจฺจเยน ปจฺจโย… นว.

เหตุ พหิทฺธา ธมฺโม เหตุสฺส พหิทฺธา ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิ.

นเหตุ พหิทฺธา ธมฺโม นเหตุสฺส พหิทฺธา ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิ.

เหตุ พหิทฺธา จ นเหตุ พหิทฺธา จ ธมฺมา เหตุสฺส พหิทฺธา ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิ (สํขิตฺตํ).

๕๒๒. เหตุยา ตีณิ, อารมฺมเณ นว, อธิปติยา นว…เป… ปุเรชาเต ตีณิ, อาเสวเน นว, กมฺเม ตีณิ, วิปาเก นว…เป… อวิคเต นว (สํขิตฺตํ).

๕๒๓. เหตุ พหิทฺธา ธมฺโม เหตุสฺส พหิทฺธา ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ).

๕๒๔. นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ ตีณิ (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ. อชฺฌตฺตพหิทฺธา น ลพฺภนฺติ.)

เหตุทุกอชฺฌตฺตตฺติกํ นิฏฺฐิตํ.