๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๔๘๕. เหตุํ อตีตารมฺมณํ ธมฺมํ ปฏิจฺจ เหตุ อตีตารมฺมโณ ธมฺโม อุปฺปชฺชติ เหตุปจฺจยา… ตีณิ.

นเหตุํ อตีตารมฺมณํ ธมฺมํ ปฏิจฺจ นเหตุ อตีตารมฺมโณ ธมฺโม อุปฺปชฺชติ เหตุปจฺจยา… ตีณิ.

เหตุํ อตีตารมฺมณญฺจ นเหตุํ อตีตารมฺมณญฺจ ธมฺมํ ปฏิจฺจ เหตุ อตีตารมฺมโณ ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๔๘๖. เหตุยา นว, อารมฺมเณ นว, อธิปติยา นว, อนนฺตเร นว, สมนนฺตเร นว…เป… กมฺเม นว…เป… อวิคเต นว (สํขิตฺตํ).

นเหตุ-นอธิปติปจฺจยา

๔๘๗. นเหตุํ อตีตารมฺมณํ ธมฺมํ ปฏิจฺจ นเหตุ อตีตารมฺมโณ ธมฺโม อุปฺปชฺชติ นเหตุปจฺจยา. นเหตุํ อตีตารมฺมณํ ธมฺมํ ปฏิจฺจ เหตุ อตีตารมฺมโณ ธมฺโม อุปฺปชฺชติ นเหตุปจฺจยา. (๒)

เหตุํ อตีตารมฺมณํ ธมฺมํ ปฏิจฺจ เหตุ อตีตารมฺมโณ ธมฺโม อุปฺปชฺชติ นอธิปติปจฺจยา (สํขิตฺตํ).

๔๘๘. นเหตุยา เทฺว, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นมคฺเค เอกํ, นวิปฺปยุตฺเต นว (สํขิตฺตํ).

เหตุปจฺจยา นอธิปติยา นว (สํขิตฺตํ).

นเหตุปจฺจยา อารมฺมเณ เทฺว (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)