๑-๖. ปฏิจฺจวาราทิ

๔๖๑. เหตุํ มคฺคเหตุกํ ธมฺมํ ปฏิจฺจ เหตุ มคฺคเหตุโก ธมฺโม อุปฺปชฺชติ เหตุปจฺจยา… ตีณิ.

นเหตุํ มคฺคเหตุกํ ธมฺมํ ปฏิจฺจ นเหตุ มคฺคเหตุโก ธมฺโม อุปฺปชฺชติ เหตุปจฺจยา… ตีณิ.

เหตุํ มคฺคเหตุกญฺจ นเหตุํ มคฺคเหตุกญฺจ ธมฺมํ ปฏิจฺจ เหตุ มคฺคเหตุโก ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๔๖๒. เหตุยา นว, อารมฺมเณ นว, อธิปติยา นว…เป… อาเสวเน นว, กมฺเม นว, อาหาเร นว, อินฺทฺริเย นว…เป… อวิคเต นว (สํขิตฺตํ).

๔๖๓. เหตุํ มคฺคเหตุกํ ธมฺมํ ปฏิจฺจ เหตุ มคฺคเหตุโก ธมฺโม อุปฺปชฺชติ นอธิปติปจฺจยา (สํขิตฺตํ).

๔๖๔. นอธิปติยา ฉ, นปุเรชาเต นว, นปจฺฉาชาเต นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ).

เหตุปจฺจยา นอธิปติยา ฉ (สํขิตฺตํ).

นอธิปติปจฺจยา เหตุยา ฉ (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)