๑-๖. ปฏิจฺจวาราทิ

๔๕๓. เหตุํ มคฺคารมฺมณํ ธมฺมํ ปฏิจฺจ เหตุ มคฺคารมฺมโณ ธมฺโม อุปฺปชฺชติ เหตุปจฺจยา… ตีณิ.

นเหตุํ มคฺคารมฺมณํ ธมฺมํ ปฏิจฺจ นเหตุ มคฺคารมฺมโณ ธมฺโม อุปฺปชฺชติ เหตุปจฺจยา… ตีณิ.

เหตุํ มคฺคารมฺมณญฺจ นเหตุํ มคฺคารมฺมณญฺจ ธมฺมํ ปฏิจฺจ เหตุ มคฺคารมฺมโณ ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๔๕๔. เหตุยา นว, อารมฺมเณ นว, อธิปติยา นว…เป… กมฺเม นว…เป… อวิคเต นว (สํขิตฺตํ).

๔๕๕. นเหตุํ มคฺคารมฺมณํ ธมฺมํ ปฏิจฺจ นเหตุ มคฺคารมฺมโณ ธมฺโม อุปฺปชฺชติ นเหตุปจฺจยา (สํขิตฺตํ).

๔๕๖. นเหตุยา เอกํ, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นมคฺเค เอกํ, นวิปฺปยุตฺเต นว (สํขิตฺตํ).

เหตุปจฺจยา นอธิปติยา นว (สํขิตฺตํ).

นเหตุปจฺจยา อารมฺมเณ เอกํ (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)