๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๓๘๙. เหตุํ มหคฺคตารมฺมณํ ธมฺมํ ปฏิจฺจ เหตุ มหคฺคตารมฺมโณ ธมฺโม อุปฺปชฺชติ เหตุปจฺจยา… ตีณิ.

นเหตุํ มหคฺคตารมฺมณํ ธมฺมํ ปฏิจฺจ นเหตุ มหคฺคตารมฺมโณ ธมฺโม อุปฺปชฺชติ เหตุปจฺจยา… ตีณิ.

เหตุํ มหคฺคตารมฺมณญฺจ นเหตุํ มหคฺคตารมฺมณญฺจ ธมฺมํ ปฏิจฺจ เหตุ มหคฺคตารมฺมโณ ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๓๙๐. เหตุยา นว, อารมฺมเณ นว, อธิปติยา นว…เป… กมฺม นว, วิปาเก นว, อาหาเร นว…เป… อวิคเต นว (สํขิตฺตํ).

นเหตุ-นอธิปติปจฺจยา

๓๙๑. นเหตุํ มหคฺคตารมฺมณํ ธมฺมํ ปฏิจฺจ นเหตุ มหคฺคตารมฺมโณ ธมฺโม อุปฺปชฺชติ นเหตุปจฺจยา. นเหตุํ มหคฺคตารมฺมณํ ธมฺมํ ปฏิจฺจ เหตุ มหคฺคตารมฺมโณ ธมฺโม อุปฺปชฺชติ นเหตุปจฺจยา. (๒)

เหตุํ มหคฺคตารมฺมณํ ธมฺมํ ปฏิจฺจ เหตุ มหคฺคตารมฺมโณ ธมฺโม อุปฺปชฺชติ นอธิปติปจฺจยา (สํขิตฺตํ).

๓๙๒. นเหตุยา เทฺว, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นมคฺเค เอกํ, นวิปฺปยุตฺเต นว (สํขิตฺตํ).

เหตุปจฺจยา นอธิปติยา นว (สํขิตฺตํ).

นเหตุปจฺจยา อารมฺมเณ เทฺว (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)