๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๓๓๐. เหตุํ เสกฺขํ ธมฺมํ ปฏิจฺจ เหตุ เสกฺโข ธมฺโม อุปฺปชฺชติ เหตุปจฺจยา… ตีณิ.

นเหตุํ เสกฺขํ ธมฺมํ ปฏิจฺจ นเหตุ เสกฺโข ธมฺโม อุปฺปชฺชติ เหตุปจฺจยา… ตีณิ.

เหตุํ เสกฺขญฺจ นเหตุํ เสกฺขญฺจ ธมฺมํ ปฏิจฺจ เหตุ เสกฺโข ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๓๓๑. เหตุยา นว, อารมฺมเณ นว, อธิปติยา นว, อนนฺตเร นว, สมนนฺตเร นว, สหชาเต นว, อญฺญมญฺเญ นว, นิสฺสเย นว, อุปนิสฺสเย นว, ปุเรชาเต นว, อาเสวเน นว, กมฺเม นว, วิปาเก นว, อาหาเร นว…เป… อวิคเต นว (สํขิตฺตํ).

นอธิปติปจฺจโย

๓๓๒. เหตุํ เสกฺขํ ธมฺมํ ปฏิจฺจ เหตุ เสกฺโข ธมฺโม อุปฺปชฺชติ นอธิปติปจฺจยา (สํขิตฺตํ).

๓๓๓. นอธิปติยา ฉ, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นว.

เหตุปจฺจยา นอธิปติยา ฉ (สํขิตฺตํ).

นอธิปติปจฺจยา เหตุยา ฉ (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)