๑. วิภงฺควาโร

เหตุปจฺจโย

๔๐. สํกิลิฏฺฐํ ธมฺมํ ปฏิจฺจ สํกิลิฏฺโฐ ธมฺโม อุปฺปชฺชติ เหตุปจฺจยา – สํกิลิฏฺฐํ เอกํ ขนฺธํ ปฏิจฺจ ตโย ขนฺธา…เป… เทฺว ขนฺเธ…เป…. (๑)

สํกิลิฏฺฐํ ธมฺมํ ปฏิจฺจ อสํกิลิฏฺโฐ ธมฺโม อุปฺปชฺชติ เหตุปจฺจยา – สํกิลิฏฺเฐ ขนฺเธ ปฏิจฺจ จิตฺตสมุฏฺฐานํ รูปํ. (๒)

สํกิลิฏฺฐํ ธมฺมํ ปฏิจฺจ สํกิลิฏฺโฐ จ อสํกิลิฏฺโฐ จ ธมฺมา อุปฺปชฺชนฺติ เหตุปจฺจยา – สํกิลิฏฺฐํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ…เป…. (๓)

อสํกิลิฏฺฐํ ธมฺมํ ปฏิจฺจ อสํกิลิฏฺโฐ ธมฺโม อุปฺปชฺชติ เหตุปจฺจยา – อสํกิลิฏฺฐํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ…เป… ปฏิสนฺธิกฺขเณ…เป… ขนฺเธ ปฏิจฺจ วตฺถุ, วตฺถุํ ปฏิจฺจ ขนฺธา, เอกํ มหาภูตํ…เป…. (๑)

สํกิลิฏฺฐญฺจ อสํกิลิฏฺฐญฺจ ธมฺมํ ปฏิจฺจ อสํกิลิฏฺโฐ ธมฺโม อุปฺปชฺชติ เหตุปจฺจยา – สํกิลิฏฺเฐ ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ (สํขิตฺตํ). (๑)

๑. ปจฺจยานุโลมํ

๒. สงฺขฺยาวาโร

๔๑. เหตุยา ปญฺจ, อารมฺมเณ เทฺว, อธิปติยา ปญฺจ, อนนฺตเร เทฺว, สมนนฺตเร เทฺว, สหชาเต ปญฺจ, อญฺญมญฺเญ เทฺว, นิสฺสเย ปญฺจ, อุปนิสฺสเย เทฺว, ปุเรชาเต เทฺว, อาเสวเน เทฺว, กมฺเม ปญฺจ, วิปาเก เอกํ, อาหาเร ปญฺจ (สํขิตฺตํ), อวิคเต ปญฺจ.