๕. สํสฏฺฐวาโร

๑-๔. ปจฺจยานุโลมาทิ

๓๑๒. นิยฺยานิกํ ธมฺมํ สํสฏฺโฐ นิยฺยานิโก ธมฺโม อุปฺปชฺชติ เหตุปจฺจยา – นิยฺยานิกํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป…. (๑)

อนิยฺยานิกํ ธมฺมํ สํสฏฺโฐ อนิยฺยานิโก ธมฺโม อุปฺปชฺชติ เหตุปจฺจยา – อนิยฺยานิกํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป… ปฏิสนฺธิกฺขเณ…เป…. (๑)

เหตุยา เทฺว, อารมฺมเณ เทฺว (สพฺพตฺถ เทฺว), วิปาเก เอกํ…เป… อวิคเต เทฺว (อนุโลมํ).

นเหตุยา เอกํ, นอธิปติยา เทฺว, นปุเรชาเต เทฺว, นปจฺฉาชาเต เทฺว, นอาเสวเน เอกํ, นกมฺเม เทฺว, นวิปาเก เทฺว, นฌาเน เอกํ, นมคฺเค เอกํ, นวิปฺปยุตฺเต เทฺว (ปจฺจนียํ).