๑. วิภงฺควาโร

เหตุปจฺจโย

๒๗๓. อรูปาวจรํ ธมฺมํ ปจฺจยา อรูปาวจโร ธมฺโม อุปฺปชฺชติ เหตุปจฺจยา… ตีณิ (ปฏิจฺจสทิสา).

นอรูปาวจรํ ธมฺมํ ปจฺจยา นอรูปาวจโร ธมฺโม อุปฺปชฺชติ เหตุปจฺจยา – นอรูปาวจรํ เอกํ ขนฺธํ…เป… (ยาว อชฺฌตฺติกา มหาภูตา) วตฺถุํ ปจฺจยา นอรูปาวจรา ขนฺธา. นอรูปาวจรํ ธมฺมํ ปจฺจยา อรูปาวจโร ธมฺโม อุปฺปชฺชติ เหตุปจฺจยา – วตฺถุํ ปจฺจยา อรูปาวจรา ขนฺธา. นอรูปาวจรํ ธมฺมํ ปจฺจยา อรูปาวจโร จ นอรูปาวจโร จ ธมฺมา อุปฺปชฺชนฺติ เหตุปจฺจยา – วตฺถุํ ปจฺจยา อรูปาวจรา ขนฺธา, มหาภูเต ปจฺจยา จิตฺตสมุฏฺฐานํ รูปํ. (๓)

๒๗๔. อรูปาวจรญฺจ นอรูปาวจรญฺจ ธมฺมํ ปจฺจยา อรูปาวจโร ธมฺโม อุปฺปชฺชติ เหตุปจฺจยา – อรูปาวจรํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป… เทฺว ขนฺเธ จ…เป…. อรูปาวจรญฺจ นอรูปาวจรญฺจ ธมฺมํ ปจฺจยา นอรูปาวจโร ธมฺโม อุปฺปชฺชติ เหตุปจฺจยา – อรูปาวจเร ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ. อรูปาวจรญฺจ นอรูปาวจรญฺจ ธมฺมํ ปจฺจยา อรูปาวจโร จ นอรูปาวจโร จ ธมฺมา อุปฺปชฺชนฺติ เหตุปจฺจยา – อรูปาวจรํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป… เทฺว ขนฺเธ จ…เป… อรูปาวจเร ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ. (๓)