๑. วิภงฺควาโร

เหตุปจฺจโย

๒๓๗. รูปาวจรํ ธมฺมํ ปจฺจยา รูปาวจโร ธมฺโม อุปฺปชฺชติ เหตุปจฺจยา… ตีณิ (ปฏิจฺจสทิสํ).

นรูปาวจรํ ธมฺมํ ปจฺจยา นรูปาวจโร ธมฺโม อุปฺปชฺชติ เหตุปจฺจยา – นรูปาวจรํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ…เป… (ยาว อชฺฌตฺติกํ มหาภูตํ) วตฺถุํ ปจฺจยา นรูปาวจรา ขนฺธา. นรูปาวจรํ ธมฺมํ ปจฺจยา รูปาวจโร ธมฺโม อุปฺปชฺชติ เหตุปจฺจยา – วตฺถุํ ปจฺจยา รูปาวจรา ขนฺธา; ปฏิสนฺธิกฺขเณ…เป…. นรูปาวจรํ ธมฺมํ ปจฺจยา รูปาวจโร จ นรูปาวจโร จ ธมฺมา อุปฺปชฺชนฺติ เหตุปจฺจยา – วตฺถุํ ปจฺจยา รูปาวจรา ขนฺธา, มหาภูเต ปจฺจยา จิตฺตสมุฏฺฐานํ รูปํ; ปฏิสนฺธิกฺขเณ…เป…. (๓)

๒๓๘. รูปาวจรญฺจ นรูปาวจรญฺจ ธมฺมํ ปจฺจยา รูปาวจโร ธมฺโม อุปฺปชฺชติ เหตุปจฺจยา – รูปาวจรํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป… เทฺว ขนฺเธ จ…เป… ปฏิสนฺธิกฺขเณ…เป…. รูปาวจรญฺจ นรูปาวจรญฺจ ธมฺมํ ปจฺจยา นรูปาวจโร ธมฺโม อุปฺปชฺชติ เหตุปจฺจยา – รูปาวจเร ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ; ปฏิสนฺธิกฺขเณ…เป…. รูปาวจรญฺจ นรูปาวจรญฺจ ธมฺมํ ปจฺจยา รูปาวจโร จ นรูปาวจโร จ ธมฺมา อุปฺปชฺชนฺติ เหตุปจฺจยา – รูปาวจรํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป… เทฺว ขนฺเธ จ…เป… รูปาวจเร ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ; ปฏิสนฺธิกฺขเณ…เป…. (๓) (สํขิตฺตํ.)