๑-๔. ปจฺจยานุโลมาทิ

เหตุปจฺจโย

๒๐๕. กามาวจรํ ธมฺมํ สํสฏฺโฐ กามาวจโร ธมฺโม อุปฺปชฺชติ เหตุปจฺจยา – กามาวจรํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป… ปฏิสนฺธิกฺขเณ…เป…. (๑)

นกามาวจรํ ธมฺมํ สํสฏฺโฐ นกามาวจโร ธมฺโม อุปฺปชฺชติ เหตุปจฺจยา – นกามาวจรํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป… ปฏิสนฺธิกฺขเณ…เป…. (๑)

เหตุยา เทฺว, อารมฺมเณ เทฺว, อธิปติยา เทฺว (สพฺพตฺถ เทฺว), อวิคเต เทฺว.

อนุโลมํ.

กามาวจรํ ธมฺมํ สํสฏฺโฐ กามาวจโร ธมฺโม อุปฺปชฺชติ นเหตุปจฺจยา – อเหตุกํ กามาวจรํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป… อเหตุกปฏิสนฺธิกฺขเณ…เป… วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโห.

นเหตุยา เอกํ, นอธิปติยา เทฺว, นปุเรชาเต เทฺว, นปจฺฉาชาเต เทฺว, นอาเสวเน เทฺว, นกมฺเม เทฺว, นวิปาเก เทฺว, นฌาเน เอกํ, นมคฺเค เอกํ, นวิปฺปยุตฺเต เทฺว.

ปจฺจนียํ.