๑-๔. ปจฺจยจตุกฺกํ

เหตุปจฺจโย

๖๔. ทสฺสเนน ปหาตพฺพเหตุกํ ธมฺมํ สํสฏฺโฐ ทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยา – ทสฺสเนน ปหาตพฺพเหตุกํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป…. (๑)

นทสฺสเนน ปหาตพฺพเหตุกํ ธมฺมํ สํสฏฺโฐ นทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยา – นทสฺสเนน ปหาตพฺพเหตุกํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป… ปฏิสนฺธิกฺขเณ…เป…. (๑)

นทสฺสเนน ปหาตพฺพเหตุกํ ธมฺมํ สํสฏฺโฐ ทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยา – วิจิกิจฺฉาสหคตํ โมหํ สํสฏฺฐา สมฺปยุตฺตกา ขนฺธา. (๒)

ทสฺสเนน ปหาตพฺพเหตุกญฺจ นทสฺสเนน ปหาตพฺพเหตุกญฺจ ธมฺมํ สํสฏฺโฐ ทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยา – วิจิกิจฺฉาสหคตํ เอกํ ขนฺธญฺจ โมหญฺจ สํสฏฺฐา ตโย ขนฺธา…เป… เทฺว ขนฺเธ จ…เป…. (๑)

อารมฺมณปจฺจโย

๖๕. ทสฺสเนน ปหาตพฺพเหตุกํ ธมฺมํ สํสฏฺโฐ ทสฺสเนน ปหาตพฺพเหตุโก ธมฺโม อุปฺปชฺชติ อารมฺมณปจฺจยา… ตีณิ (ปฏิจฺจสทิสา).

นทสฺสเนน ปหาตพฺพเหตุกํ ธมฺมํ สํสฏฺโฐ นทสฺสเนน ปหาตพฺพเหตุโก ธมฺโม อุปฺปชฺชติ อารมฺมณปจฺจยา – นทสฺสเนน ปหาตพฺพเหตุกํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป… ปฏิสนฺธิกฺขเณ…เป…. (๑)

นทสฺสเนน ปหาตพฺพเหตุกํ ธมฺมํ สํสฏฺโฐ ทสฺสเนน ปหาตพฺพเหตุโก ธมฺโม อุปฺปชฺชติ อารมฺมณปจฺจยา (ปฏิจฺจสทิสํ). (๒)

ทสฺสเนน ปหาตพฺพเหตุกญฺจ นทสฺสเนน ปหาตพฺพเหตุกญฺจ ธมฺมํ สํสฏฺโฐ ทสฺสเนน ปหาตพฺพเหตุโก ธมฺโม อุปฺปชฺชติ อารมฺมณปจฺจยา (ปฏิจฺจสทิสํ, สํขิตฺตํ). (๑)

๖๖. เหตุยา จตฺตาริ, อารมฺมเณ ฉ, อธิปติยา เทฺว, อนนฺตเร ฉ (สพฺพตฺถ ฉ), วิปาเก เอกํ…เป… อวิคเต ฉ.

อนุโลมํ.

นเหตุปจฺจโย

๖๗. ทสฺสเนน ปหาตพฺพเหตุกํ ธมฺมํ สํสฏฺโฐ นทสฺสเนน ปหาตพฺพเหตุโก ธมฺโม อุปฺปชฺชติ นเหตุปจฺจยา – วิจิกิจฺฉาสหคเต ขนฺเธ สํสฏฺโฐ วิจิกิจฺฉาสหคโต โมโห. (๑)

นทสฺสเนน ปหาตพฺพเหตุกํ ธมฺมํ สํสฏฺโฐ นทสฺสเนน ปหาตพฺพเหตุโก ธมฺโม อุปฺปชฺชติ นเหตุปจฺจยา – อเหตุกํ นทสฺสเนน ปหาตพฺพเหตุกํ เอกํ ขนฺธํ สํสฏฺฐา ตโย ขนฺธา…เป… เทฺว ขนฺเธ…เป… อเหตุกปฏิสนฺธิกฺขเณ…เป… อุทฺธจฺจสหคเต ขนฺเธ สํสฏฺโฐ อุทฺธจฺจสหคโต โมโห. (๑)

นเหตุยา เทฺว, นอธิปติยา ฉ, นปุเรชาเต ฉ, นปจฺฉาชาเต ฉ, นอาเสวเน ฉ, นกมฺเม จตฺตาริ, นวิปาเก ฉ, นฌาเน เอกํ, นมคฺเค เอกํ, นวิปฺปยุตฺเต ฉ.

ปจฺจนียํ.

เหตุทุกํ

เหตุปจฺจยา นอธิปติยา จตฺตาริ, นปุเรชาเต จตฺตาริ…เป… นวิปฺปยุตฺเต จตฺตาริ.

นเหตุทุกํ

นเหตุปจฺจยา อารมฺมเณ เทฺว, อนนฺตเร เทฺว…เป… วิปาเก เอกํ…เป… อวิคเต เทฺว.