๑-๗. ปฏิจฺจวาราทิ

เหตุ-อารมฺมณปจฺจยา

๑๔. อกุสลํ สํกิลิฏฺฐํ ธมฺมํ ปฏิจฺจ อกุสโล สํกิลิฏฺโฐ ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๑๕. กุสลํ อสํกิลิฏฺฐํ ธมฺมํ ปฏิจฺจ กุสโล อสํกิลิฏฺโฐ ธมฺโม อุปฺปชฺชติ เหตุปจฺจยา. กุสลํ อสํกิลิฏฺฐํ ธมฺมํ ปฏิจฺจ อพฺยากโต อสํกิลิฏฺโฐ ธมฺโม อุปฺปชฺชติ เหตุปจฺจยา. กุสลํ อสํกิลิฏฺฐํ ธมฺมํ ปฏิจฺจ กุสโล อสํกิลิฏฺโฐ จ อพฺยากโต อสํกิลิฏฺโฐ จ ธมฺมา อุปฺปชฺชนฺติ เหตุปจฺจยา. (๓)

อพฺยากตํ อสํกิลิฏฺฐํ ธมฺมํ ปฏิจฺจ อพฺยากโต อสํกิลิฏฺโฐ ธมฺโม อุปฺปชฺชติ เหตุปจฺจยา. กุสลํ อสํกิลิฏฺฐญฺจ อพฺยากตํ อสํกิลิฏฺฐญฺจ ธมฺมํ ปฏิจฺจ อพฺยากโต อสํกิลิฏฺโฐ ธมฺโม อุปฺปชฺชติ เหตุปจฺจยา. (๒)

๑๖. กุสลํ อสํกิลิฏฺฐํ ธมฺมํ ปฏิจฺจ กุสโล อสํกิลิฏฺโฐ ธมฺโม อุปฺปชฺชติ อารมฺมณปจฺจยา. (๑)

อพฺยากตํ อสํกิลิฏฺฐํ ธมฺมํ ปฏิจฺจ อพฺยากโต อสํกิลิฏฺโฐ ธมฺโม อุปฺปชฺชติ อารมฺมณปจฺจยา. (๑) (สํขิตฺตํ.)

๑๗. เหตุยา ปญฺจ, อารมฺมเณ เทฺว, อธิปติยา ปญฺจ…เป… อวิคเต ปญฺจ (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๑๘. กุสโล อสํกิลิฏฺโฐ ธมฺโม กุสลสฺส อสํกิลิฏฺฐสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต อสํกิลิฏฺโฐ ธมฺโม อพฺยากตสฺส อสํกิลิฏฺฐสฺส ธมฺมสฺส เหตุปจฺจเยน ปจฺจโย. (๑)

กุสโล อสํกิลิฏฺโฐ ธมฺโม กุสลสฺส อสํกิลิฏฺฐสฺส ธมฺมสฺส อารมฺมณปจฺจเยน ปจฺจโย… เทฺว.

อพฺยากโต อสํกิลิฏฺโฐ ธมฺโม อพฺยากตสฺส อสํกิลิฏฺฐสฺส ธมฺมสฺส อารมฺมณปจฺจเยน ปจฺจโย… เทฺว (สํขิตฺตํ).

๑๙. เหตุยา จตฺตาริ, อารมฺมเณ จตฺตาริ, อธิปติยา ปญฺจ, อนนฺตเร จตฺตาริ…เป… อุปนิสฺสเย จตฺตาริ…เป… อวิคเต สตฺต (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).