๑-๗. ปฏิจฺจวาราทิ

เหตุปจฺจโย

๓๐. กุสลํ กิเลสวิปฺปยุตฺตํ สํกิเลสิกํ ธมฺมํ ปฏิจฺจ กุสโล กิเลสวิปฺปยุตฺโต สํกิเลสิโก ธมฺโม อุปฺปชฺชติ เหตุปจฺจยา. กุสลํ กิเลสวิปฺปยุตฺตํ สํกิเลสิกํ ธมฺมํ ปฏิจฺจ อพฺยากโต กิเลสวิปฺปยุตฺโต สํกิเลสิโก ธมฺโม อุปฺปชฺชติ เหตุปจฺจยา. กุสลํ กิเลสวิปฺปยุตฺตํ สํกิเลสิกํ ธมฺมํ ปฏิจฺจ กุสโล กิเลสวิปฺปยุตฺโต สํกิเลสิโก จ อพฺยากโต กิเลสวิปฺปยุตฺโต สํกิเลสิโก จ ธมฺมา อุปฺปชฺชนฺติ เหตุปจฺจยา. (๓)

อพฺยากตํ กิเลสวิปฺปยุตฺตํ สํกิเลสิกํ ธมฺมํ ปฏิจฺจ อพฺยากโต กิเลสวิปฺปยุตฺโต สํกิเลสิโก ธมฺโม อุปฺปชฺชติ เหตุปจฺจยา. (๑)

กุสลํ กิเลสวิปฺปยุตฺตํ สํกิเลสิกญฺจ อพฺยากตํ กิเลสวิปฺปยุตฺตํ สํกิเลสิกญฺจ ธมฺมํ ปฏิจฺจ อพฺยากโต กิเลสวิปฺปยุตฺโต สํกิเลสิโก ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๓๑. เหตุยา ปญฺจ, อารมฺมเณ เทฺว…เป… อวิคเต ปญฺจ (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๓๒. กุสโล กิเลสวิปฺปยุตฺโต สํกิเลสิโก ธมฺโม กุสลสฺส กิเลสวิปฺปยุตฺตสฺส สํกิเลสิกสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต กิเลสวิปฺปยุตฺโต สํกิเลสิโก ธมฺโม อพฺยากตสฺส กิเลสวิปฺปยุตฺตสฺส สํกิเลสิกสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๓๓. เหตุยา จตฺตาริ, อารมฺมเณ จตฺตาริ…เป… อวิคเต สตฺต (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).

๓๔. กุสลํ กิเลสวิปฺปยุตฺตํ อสํกิเลสิกํ ธมฺมํ ปฏิจฺจ กุสโล กิเลสวิปฺปยุตฺโต อสํกิเลสิโก ธมฺโม อุปฺปชฺชติ เหตุปจฺจยา.

อพฺยากตํ กิเลสวิปฺปยุตฺตํ อสํกิเลสิกํ ธมฺมํ ปฏิจฺจ อพฺยากโต กิเลสวิปฺปยุตฺโต อสํกิเลสิโก ธมฺโม อุปฺปชฺชติ เหตุปจฺจยา.

เหตุยา เทฺว…เป… อวิคเต เทฺว (สํขิตฺตํ. สหชาตวารมฺปิ …เป… สมฺปยุตฺตวารมฺปิ ปฏิจฺจวารสทิสํ).

๓๕. กุสโล กิเลสวิปฺปยุตฺโต อสํกิเลสิโก ธมฺโม กุสลสฺส กิเลสวิปฺปยุตฺตสฺส อสํกิเลสิกสฺส ธมฺมสฺส เหตุปจฺจเยน ปจฺจโย. (๑)

อพฺยากโต กิเลสวิปฺปยุตฺโต อสํกิเลสิโก ธมฺโม อพฺยากตสฺส กิเลสวิปฺปยุตฺตสฺส อสํกิเลสิกสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๓๖. เหตุยา เทฺว, อารมฺมเณ เทฺว, อธิปติยา ตีณิ, อนนฺตเร เทฺว…เป… อุปนิสฺสเย จตฺตาริ…เป… อวิคเต เทฺว (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).

กุสลตฺติกกิเลสโคจฺฉกํ นิฏฺฐิตํ.