๑-๗. ปฏิจฺจวาราทิ

ปจฺจยจตุกฺกํ

๑. อกุสลํ กิเลสํ ธมฺมํ ปฏิจฺจ อกุสโล กิเลโส ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๒. กุสลํ โนกิเลสํ ธมฺมํ ปฏิจฺจ กุสโล โนกิเลโส ธมฺโม อุปฺปชฺชติ เหตุปจฺจยา… ตีณิ.

อกุสลํ โนกิเลสํ ธมฺมํ ปฏิจฺจ อกุสโล โนกิเลโส ธมฺโม อุปฺปชฺชติ เหตุปจฺจยา… ตีณิ.

อพฺยากตํ โนกิเลสํ ธมฺมํ ปฏิจฺจ อพฺยากโต โนกิเลโส ธมฺโม อุปฺปชฺชติ เหตุปจฺจยา. (๑)

กุสลํ โนกิเลสญฺจ อพฺยากตํ โนกิเลสญฺจ ธมฺมํ ปฏิจฺจ อพฺยากโต โนกิเลโส ธมฺโม อุปฺปชฺชติ เหตุปจฺจยา. (๑)

อกุสลํ โนกิเลสญฺจ อพฺยากตํ โนกิเลสญฺจ ธมฺมํ ปฏิจฺจ อพฺยากโต โนกิเลโส ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๓. เหตุยา นว, อารมฺมเณ ตีณิ, อธิปติยา นว…เป… อวิคเต นว (สํขิตฺตํ. สหชาตวารมฺปิ …เป… สมฺปยุตฺตวารมฺปิ ปฏิจฺจวารสทิสํ).

๔. กุสโล โนกิเลโส ธมฺโม กุสลสฺส โนกิเลสสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต โนกิเลโส ธมฺโม อพฺยากตสฺส โนกิเลสสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๕. เหตุยา จตฺตาริ, อารมฺมเณ นว…เป… อวิคเต เตรส (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).