๑-๗. ปฏิจฺจวาราทิ

ปจฺจยจตุกฺกํ

๑๘. อพฺยากตํ อชฺฌตฺติกํ ธมฺมํ ปฏิจฺจ อพฺยากโต อชฺฌตฺติโก ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, สหชาเต เอกํ…เป… อวิคเต เอกํ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๑๙. กุสโล อชฺฌตฺติโก ธมฺโม กุสลสฺส อชฺฌตฺติกสฺส ธมฺมสฺส อารมฺมณปจฺจเยน ปจฺจโย. กุสโล อชฺฌตฺติโก ธมฺโม อกุสลสฺส อชฺฌตฺติกสฺส ธมฺมสฺส อารมฺมณปจฺจเยน ปจฺจโย. กุสโล อชฺฌตฺติโก ธมฺโม อพฺยากตสฺส อชฺฌตฺติกสฺส ธมฺมสฺส อารมฺมณปจฺจเยน ปจฺจโย. (๓)

อกุสโล อชฺฌตฺติโก ธมฺโม อกุสลสฺส อชฺฌตฺติกสฺส ธมฺมสฺส อารมฺมณปจฺจเยน ปจฺจโย… ตีณิ.

อพฺยากโต อชฺฌตฺติโก ธมฺโม อพฺยากตสฺส อชฺฌตฺติกสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ).

๒๐. อารมฺมเณ นว, ปุเรชาเต ตีณิ…เป… อวิคเต ปญฺจ (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).

๒๑. กุสลํ พาหิรํ ธมฺมํ ปฏิจฺจ กุสโล พาหิโร ธมฺโม อุปฺปชฺชติ เหตุปจฺจยา (สํขิตฺตํ).

เหตุยา นว, อารมฺมเณ ตีณิ…เป… วิปาเก เอกํ…เป… อวิคเต นว (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๒๒. กุสโล พาหิโร ธมฺโม กุสลสฺส พาหิรสฺส ธมฺมสฺส เหตุปจฺจเยน ปจฺจโย (สํขิตฺตํ).

เหตุยา สตฺต, อารมฺมเณ นว…เป… อวิคเต เตรส (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)