๑-๗. ปฏิจฺจวาราทิ

๑๑. กุสลํ เจตสิกํ ธมฺมํ ปฏิจฺจ กุสโล เจตสิโก ธมฺโม อุปฺปชฺชติ เหตุปจฺจยา. (๑)

อกุสลํ เจตสิกํ ธมฺมํ ปฏิจฺจ อกุสโล เจตสิโก ธมฺโม อุปฺปชฺชติ เหตุปจฺจยา. (๑)

อพฺยากตํ เจตสิกํ ธมฺมํ ปฏิจฺจ อพฺยากโต เจตสิโก ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๒. เหตุยา ตีณิ, อารมฺมเณ ตีณิ…เป… (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๑๓. กุสโล เจตสิโก ธมฺโม กุสลสฺส เจตสิกสฺส ธมฺมสฺส เหตุปจฺจเยน ปจฺจโย. (๑)

อกุสโล เจตสิโก ธมฺโม อกุสลสฺส เจตสิกสฺส ธมฺมสฺส เหตุปจฺจเยน ปจฺจโย. (๑)

อพฺยากโต เจตสิโก ธมฺโม อพฺยากตสฺส เจตสิกสฺส ธมฺมสฺส เหตุปจฺจเยน ปจฺจโย. (๑)

กุสโล เจตสิโก ธมฺโม กุสลสฺส เจตสิกสฺส ธมฺมสฺส อารมฺมณปจฺจเยน ปจฺจโย… ตีณิ.

อกุสโล เจตสิโก ธมฺโม อกุสลสฺส เจตสิกสฺส ธมฺมสฺส อารมฺมณปจฺจเยน ปจฺจโย… ตีณิ.

อพฺยากโต เจตสิโก ธมฺโม อพฺยากตสฺส เจตสิกสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ).

๑๔. เหตุยา ตีณิ, อารมฺมเณ นว, อธิปติยา สตฺต…เป… อวิคเต ตีณิ (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

๑๕. กุสลํ อเจตสิกํ ธมฺมํ ปฏิจฺจ อพฺยากโต อเจตสิโก ธมฺโม อุปฺปชฺชติ เหตุปจฺจยา. (๑)

อกุสลํ อเจตสิกํ ธมฺมํ ปฏิจฺจ อพฺยากโต อเจตสิโก ธมฺโม อุปฺปชฺชติ เหตุปจฺจยา. (๑)

อพฺยากตํ อเจตสิกํ ธมฺมํ ปฏิจฺจ อพฺยากโต อเจตสิโก ธมฺโม อุปฺปชฺชติ เหตุปจฺจยา. (๑)

กุสลํ อเจตสิกญฺจ อพฺยากตํ อเจตสิกญฺจ ธมฺมํ ปฏิจฺจ อพฺยากโต อเจตสิโก ธมฺโม อุปฺปชฺชติ เหตุปจฺจยา. (๑)

อกุสลํ อเจตสิกญฺจ อพฺยากตํ อเจตสิกญฺจ ธมฺมํ ปฏิจฺจ อพฺยากโต อเจตสิโก ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๖. เหตุยา ปญฺจ, อารมฺมเณ เอกํ…เป… อวิคเต ปญฺจ.

นเหตุยา เอกํ, นอารมฺมเณ ปญฺจ, โนวิคเต ปญฺจ.

(สหชาตวารมฺปิ…เป… ปญฺหาวารมฺปิ เอวํ วิตฺถาเรตพฺพํ.)