๑-๗. ปฏิจฺจวาราทิ

ปจฺจยจตุกฺกํ

๑. กุสลํ สารมฺมณํ ธมฺมํ ปฏิจฺจ กุสโล สารมฺมโณ ธมฺโม อุปฺปชฺชติ เหตุปจฺจยา. (๑)

อกุสลํ สารมฺมณํ ธมฺมํ ปฏิจฺจ อกุสโล สารมฺมโณ ธมฺโม อุปฺปชฺชติ เหตุปจฺจยา. (๑)

อพฺยากตํ สารมฺมณํ ธมฺมํ ปฏิจฺจ อพฺยากโต สารมฺมโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒. เหตุยา ตีณิ, อารมฺมเณ ตีณิ…เป… อวิคเต ตีณิ (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

เหตุ-อารมฺมณปจฺจยา

๓. กุสโล สารมฺมโณ ธมฺโม กุสลสฺส สารมฺมณสฺส ธมฺมสฺส เหตุปจฺจเยน ปจฺจโย. (๑)

อกุสโล สารมฺมโณ ธมฺโม อกุสลสฺส สารมฺมณสฺส ธมฺมสฺส เหตุปจฺจเยน ปจฺจโย. (๑)

อพฺยากโต สารมฺมโณ ธมฺโม อพฺยากตสฺส สารมฺมณสฺส ธมฺมสฺส เหตุปจฺจเยน ปจฺจโย. (๑)

กุสโล สารมฺมโณ ธมฺโม กุสลสฺส สารมฺมณสฺส ธมฺมสฺส อารมฺมณปจฺจเยน ปจฺจโย (สํขิตฺตํ).

๔. เหตุยา ตีณิ, อารมฺมเณ นว, อธิปติยา สตฺต…เป… อวิคเต ตีณิ (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

เหตุสหชาตปจฺจยาทิ

๕. อพฺยากตํ อนารมฺมณํ ธมฺมํ ปฏิจฺจ อพฺยากโต อนารมฺมโณ ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ…เป… อวิคเต เอกํ (สํขิตฺตํ).

นเหตุยา เอกํ…เป… (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๖. อพฺยากโต อนารมฺมโณ ธมฺโม อพฺยากตสฺส อนารมฺมณสฺส ธมฺมสฺส สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโย… อตฺถิปจฺจเยน ปจฺจโย… อวิคตปจฺจเยน ปจฺจโย (สพฺพตฺถ เอกํ. สํขิตฺตํ.)