๑-๗. ปฏิจฺจวาราทิ

ปจฺจยจตุกฺกํ

๒๔. อกุสลํ อาสวญฺเจว อาสวสมฺปยุตฺตญฺจ ธมฺมํ ปฏิจฺจ อกุสโล อาสโว เจว อาสวสมฺปยุตฺโต จ ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… สมฺปยุตฺตวาเรปิ ปญฺหาวาเรปิ สพฺพตฺถ เอกํ).

๒๕. อกุสลํ อาสวสมฺปยุตฺตญฺเจว โน จ อาสวํ ธมฺมํ ปฏิจฺจ อกุสโล อาสวสมฺปยุตฺโต เจว โน จ อาสโว ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… สมฺปยุตฺตวาเรปิ ปญฺหาวาเรปิ สพฺพตฺถ เอกํ.)

๒๖. กุสลํ อาสววิปฺปยุตฺตํ สาสวํ ธมฺมํ ปฏิจฺจ กุสโล อาสววิปฺปยุตฺโต สาสโว ธมฺโม อุปฺปชฺชติ เหตุปจฺจยา… ตีณิ.

อกุสลํ อาสววิปฺปยุตฺตํ สาสวํ ธมฺมํ ปฏิจฺจ อพฺยากโต อาสววิปฺปยุตฺโต สาสโว ธมฺโม อุปฺปชฺชติ เหตุปจฺจยา. (๑)

อพฺยากตํ อาสววิปฺปยุตฺตํ สาสวํ ธมฺมํ ปฏิจฺจ อพฺยากโต อาสววิปฺปยุตฺโต สาสโว ธมฺโม อุปฺปชฺชติ เหตุปจฺจยา. (๑)

กุสลํ อาสววิปฺปยุตฺตํ สาสวญฺจ อพฺยากตํ อาสววิปฺปยุตฺตํ สาสวญฺจ ธมฺมํ ปฏิจฺจ อพฺยากโต อาสววิปฺปยุตฺโต สาสโว ธมฺโม อุปฺปชฺชติ เหตุปจฺจยา. (๑)

อกุสลํ อาสววิปฺปยุตฺตํ สาสวญฺจ อพฺยากตํ อาสววิปฺปยุตฺตํ สาสวญฺจ ธมฺมํ ปฏิจฺจ อพฺยากโต อาสววิปฺปยุตฺโต สาสโว ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๗. เหตุยา สตฺต, อารมฺมเณ เทฺว…เป… อวิคเต สตฺต (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๒๘. กุสโล อาสววิปฺปยุตฺโต สาสโว ธมฺโม กุสลสฺส อาสววิปฺปยุตฺตสฺส สาสวสฺส ธมฺมสฺส เหตุปจฺจเยน ปจฺจโย… ตีณิ.

อกุสโล อาสววิปฺปยุตฺโต สาสโว ธมฺโม อพฺยากตสฺส อาสววิปฺปยุตฺตสฺส สาสวสฺส ธมฺมสฺส เหตุปจฺจเยน ปจฺจโย. (๑)

อพฺยากโต อาสววิปฺปยุตฺโต สาสโว ธมฺโม อพฺยากตสฺส อาสววิปฺปยุตฺตสฺส สาสวสฺส ธมฺมสฺส เหตุปจฺจเยน ปจฺจโย (สํขิตฺตํ).

๒๙. เหตุยา ปญฺจ, อารมฺมเณ นว, อธิปติยา จตฺตาริ…เป… อวิคเต ทส (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).