๑-๗. ปฏิจฺจวาราทิ

๑๙. อกุสลํ อาสวญฺเจว สาสวญฺจ ธมฺมํ ปฏิจฺจ อกุสโล อาสโว เจว สาสโว จ ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… สมฺปยุตฺตวาเรปิ ปญฺหาวาเรปิ สพฺพตฺถ เอกํ).

๒๐. กุสลํ สาสวญฺเจว โน จ อาสวํ ธมฺมํ ปฏิจฺจ กุสโล สาสโว เจว โน จ อาสโว ธมฺโม อุปฺปชฺชติ เหตุปจฺจยา… ตีณิ.

อกุสลํ สาสวญฺเจว โน จ อาสวํ ธมฺมํ ปฏิจฺจ อกุสโล สาสโว เจว โน จ อาสโว ธมฺโม อุปฺปชฺชติ เหตุปจฺจยา… ตีณิ.

อพฺยากตํ สาสวญฺเจว โน จ อาสวํ ธมฺมํ ปฏิจฺจ อพฺยากโต สาสโว เจว โน จ อาสโว ธมฺโม อุปฺปชฺชติ เหตุปจฺจยา. (๑)

กุสลํ สาสวญฺเจว โน จ อาสวญฺจ อพฺยากตํ สาสวญฺเจว โน จ อาสวญฺจ ธมฺมํ ปฏิจฺจ อพฺยากโต สาสโว เจว โน จ อาสโว ธมฺโม อุปฺปชฺชติ เหตุปจฺจยา. (๑)

อกุสลํ สาสวญฺเจว โน จ อาสวญฺจ อพฺยากตํ สาสวญฺเจว โน จ อาสวญฺจ ธมฺมํ ปฏิจฺจ อพฺยากโต สาสโว เจว โน จ อาสโว ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๑. เหตุยา นว, อารมฺมเณ ตีณิ, อธิปติยา นว…เป… อวิคเต นว (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๒๒. กุสโล สาสโว เจว โน จ อาสโว ธมฺโม กุสลสฺส สาสวสฺส เจว โน จ อาสวสฺส ธมฺมสฺส เหตุปจฺจเยน ปจฺจโย… ตีณิ.

อกุสโล สาสโว เจว โน จ อาสโว ธมฺโม อกุสลสฺส สาสวสฺส เจว โน จ อาสวสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต สาสโว เจว โน จ อาสโว ธมฺโม อพฺยากตสฺส สาสวสฺส เจว โน จ อาสวสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๒๓. เหตุยา สตฺต, อารมฺมเณ นว, อธิปติยา นว…เป… อวิคเต เตรส (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).