๑-๑๖. กุสลตฺติก-อาสวสมฺปยุตฺตทุกํ

๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๑๔. อกุสลํ อาสวสมฺปยุตฺตํ ธมฺมํ ปฏิจฺจ อกุสโล อาสวสมฺปยุตฺโต ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ, อามมฺมเณ เอกํ (สํขิตฺตํ).

(สหชาตวาเรปิ…เป… สมฺปยุตฺตวาเรปิ ปญฺหาวาเรปิ สพฺพตฺถ เอกํ.)

๑๕. กุสลํ อาสววิปฺปยุตฺตํ ธมฺมํ ปฏิจฺจ กุสโล อาสววิปฺปยุตฺโต ธมฺโม อุปฺปชฺชติ เหตุปจฺจยา. กุสลํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา. กุสลํ อาสววิปฺปยุตฺตํ ธมฺมํ ปฏิจฺจ กุสโล อาสววิปฺปยุตฺโต จ อพฺยากโต อาสววิปฺปยุตฺโต จ ธมฺมา อุปฺปชฺชนฺติ เหตุปจฺจยา. (๓)

อกุสลํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา. (๑)

อพฺยากตํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา. (๑)

กุสลํ อาสววิปฺปยุตฺตญฺจ อพฺยากตํ อาสววิปฺปยุตฺตญฺจ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา. (๑)

อกุสลํ อาสววิปฺปยุตฺตญฺจ อพฺยากตํ อาสววิปฺปยุตฺตญฺจ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา (สํขิตฺตํ).

๑๖. เหตุยา สตฺต, อารมฺมเณ เทฺว, อธิปติยา สตฺต…เป… อวิคเต สตฺต (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๑๗. กุสโล อาสววิปฺปยุตฺโต ธมฺโม กุสลสฺส อาสววิปฺปยุตฺตสฺส ธมฺมสฺส เหตุปจฺจเยน ปจฺจโย… ตีณิ.

อกุสโล อาสววิปฺปยุตฺโต ธมฺโม อพฺยากตสฺส อาสววิปฺปยุตฺตสฺส ธมฺมสฺส เหตุปจฺจเยน ปจฺจโย. (๑)

อพฺยากโต อาสววิปฺปยุตฺโต ธมฺโม อพฺยากตสฺส อาสววิปฺปยุตฺตสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๑๘. เหตุยา ปญฺจ, อารมฺมเณ นว, อธิปติยา ปญฺจ…เป… อวิคเต ทส (สํขิตฺตํ.)

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)