๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๓๐. กุสลํ อาสววิปฺปยุตฺตํ อนาสวํ ธมฺมํ ปฏิจฺจ กุสโล อาสววิปฺปยุตฺโต อนาสโว ธมฺโม อุปฺปชฺชติ เหตุปจฺจยา. (๑)

อพฺยากตํ อาสววิปฺปยุตฺตํ อนาสวํ ธมฺมํ ปฏิจฺจ อพฺยากโต อาสววิปฺปยุตฺโต อนาสโว ธมฺโม อุปฺปชฺชติ เหตุปจฺจยา (สํขิตฺตํ).

๓๑. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

เหตุอารมฺมณปจฺจยาทิ

๓๒. กุสโล อาสววิปฺปยุตฺโต อนาสโว ธมฺโม กุสลสฺส อาสววิปฺปยุตฺตสฺส อนาสวสฺส ธมฺมสฺส เหตุปจฺจเยน ปจฺจโย. (๑)

อพฺยากโต อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส เหตุปจฺจเยน ปจฺจโย. (๑)

อพฺยากโต อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส อารมฺมณปจฺจเยน ปจฺจโย. (๑)

อพฺยากโต อาสววิปฺปยุตฺโต อนาสโว ธมฺโม กุสลสฺส อาสววิปฺปยุตฺตสฺส อนาสวสฺส ธมฺมสฺส อารมฺมณปจฺจเยน ปจฺจโย. (๑)

กุสโล อาสววิปฺปยุตฺโต อนาสโว ธมฺโม กุสลสฺส อาสววิปฺปยุตฺตสฺส อนาสวสฺส ธมฺมสฺส อธิปติปจฺจเยน ปจฺจโย. (๑)

อพฺยากโต อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส อธิปติปจฺจเยน ปจฺจโย. (๑)

อพฺยากโต อาสววิปฺปยุตฺโต อนาสโว ธมฺโม กุสลสฺส อาสววิปฺปยุตฺตสฺส อนาสวสฺส ธมฺมสฺส อธิปติปจฺจเยน ปจฺจโย. (๑)

กุสโล อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส อนนฺตรปจฺจเยน ปจฺจโย. (๑)

อพฺยากโต อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส อนนฺตรปจฺจเยน ปจฺจโย. (๑) (สํขิตฺตํ.)

๓๓. เหตุยา เทฺว, อารมฺมเณ เทฺว, อธิปติยา ตีณิ, อนนฺตเร เทฺว, สมนนฺตเร เทฺว, สหชาเต เทฺว, อญฺญมญฺเญ เทฺว, นิสฺสเย เทฺว, อุปนิสฺสเย จตฺตาริ…เป… อวิคเต เทฺว (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

กุสลตฺติกอาสวโคจฺฉกํ นิฏฺฐิตํ.

๑-๒๐-๕๔. กุสลตฺติก-สญฺโญชนาทิทุกานิ

๓๔. อกุสลํ สญฺโญชนํ ธมฺมํ ปฏิจฺจ…เป… อกุสลํ คนฺถํ… โอฆํ… โยคํ… นีวรณํ….

กุสลํ โนปรามาสํ ธมฺมํ ปฏิจฺจ กุสโล โนปรามาโส ธมฺโม อุปฺปชฺชติ เหตุปจฺจยา. (อาสวโคจฺฉกสทิสํ.) ทิฏฺฐึ ปฏิจฺจ ทิฏฺฐิ น อุปฺปชฺชติ.

กุสลตฺติเก ฉ โคจฺฉกํ นิฏฺฐิตํ.