๑-๗. ปฏิจฺจวาราทิ

ปจฺจยจตุกฺกํ

๑๐. กุสลํ อนิทสฺสนํ ธมฺมํ ปฏิจฺจ กุสโล อนิทสฺสโน ธมฺโม อุปฺปชฺชติ เหตุปจฺจยา… ตีณิ.

อกุสลํ อนิทสฺสนํ ธมฺมํ ปฏิจฺจ อกุสโล อนิทสฺสโน ธมฺโม อุปฺปชฺชติ เหตุปจฺจยา… ตีณิ.

อพฺยากตํ อนิทสฺสนํ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ เหตุปจฺจยา. (๑)

กุสลํ อนิทสฺสนญฺจ อพฺยากตํ อนิทสฺสนญฺจ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ เหตุปจฺจยา. (๑)

อกุสลํ อนิทสฺสนญฺจ อพฺยากตํ อนิทสฺสนญฺจ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ เหตุปจฺจยา. (๑)

๑๑. กุสลํ อนิทสฺสนํ ธมฺมํ ปฏิจฺจ กุสโล อนิทสฺสโน ธมฺโม อุปฺปชฺชติ อารมฺมณปจฺจยา. (๑)

อกุสลํ อนิทสฺสนํ ธมฺมํ ปฏิจฺจ อกุสโล อนิทสฺสโน ธมฺโม อุปฺปชฺชติ อารมฺมณปจฺจยา. (๑)

อพฺยากตํ อนิทสฺสนํ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ อารมฺมณปจฺจยา. (๑) (สํขิตฺตํ.)

๑๒. เหตุยา นว, อารมฺมเณ ตีณิ…เป… อวิคเต นว (สํขิตฺตํ).

ปจฺจนียํ –นเหตุปจฺจโย

๑๓. อกุสลํ อนิทสฺสนํ ธมฺมํ ปฏิจฺจ อกุสโล อนิทสฺสโน ธมฺโม อุปฺปชฺชติ นเหตุปจฺจยา. (๑)

อพฺยากตํ อนิทสฺสนํ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ นเหตุปจฺจยา. (๑) (สํขิตฺตํ.)

นเหตุยา เทฺว, นอารมฺมเณ ปญฺจ, นอธิปติยา นว…เป… โนวิคเต ปญฺจ (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

เหตุ-อารมฺมณปจฺจยา

๑๔. กุสโล อนิทสฺสโน ธมฺโม กุสลสฺส อนิทสฺสนสฺส ธมฺมสฺส เหตุปจฺจเยน ปจฺจโย… ตีณิ.

อกุสโล อนิทสฺสโน ธมฺโม อกุสลสฺส อนิทสฺสนสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต อนิทสฺสโน ธมฺโม อพฺยากตสฺส อนิทสฺสนสฺส ธมฺมสฺส เหตุปจฺจเยน ปจฺจโย. (๑)

๑๕. กุสโล อนิทสฺสโน ธมฺโม กุสลสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย… ตีณิ.

อกุสโล อนิทสฺสโน ธมฺโม อกุสลสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย… ตีณิ.

อพฺยากโต อนิทสฺสโน ธมฺโม อพฺยากตสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ).

๑๖. เหตุยา สตฺต, อารมฺมเณ นว, อธิปติยา ทส, อนนฺตเร สตฺต…เป… อุปนิสฺสเย นว…เป… อวิคเต เตรส (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)