๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๓๗. กุสลํ โลกุตฺตรํ ธมฺมํ ปฏิจฺจ กุสโล โลกุตฺตโร ธมฺโม อุปฺปชฺชติ เหตุปจฺจยา. (๑)

อพฺยากตํ โลกุตฺตรํ ธมฺมํ ปฏิจฺจ อพฺยากโต โลกุตฺตโร ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๓๘. เหตุยา เทฺว, อารมฺมเณ เทฺว, อธิปติยา เทฺว…เป… อวิคเต เทฺว (สํขิตฺตํ).

นอธิปติยา เทฺว (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

เหตุอารมฺมณปจฺจยาทิ

๓๙. กุสโล โลกุตฺตโร ธมฺโม กุสลสฺส โลกุตฺตรสฺส ธมฺมสฺส เหตุปจฺจเยน ปจฺจโย. (๑)

อพฺยากโต โลกุตฺตโร ธมฺโม อพฺยากตสฺส โลกุตฺตรสฺส ธมฺมสฺส เหตุปจฺจเยน ปจฺจโย. (๑)

อพฺยากโต โลกุตฺตโร ธมฺโม อพฺยากตสฺส โลกุตฺตรสฺส ธมฺมสฺส อารมฺมณปจฺจเยน ปจฺจโย. อพฺยากโต โลกุตฺตโร ธมฺโม กุสลสฺส โลกุตฺตรสฺส ธมฺมสฺส อารมฺมณปจฺจเยน ปจฺจโย. (๒)

กุสโล โลกุตฺตโร ธมฺโม กุสลสฺส โลกุตฺตรสฺส ธมฺมสฺส อธิปติปจฺจเยน ปจฺจโย. (๑)

อพฺยากโต โลกุตฺตโร ธมฺโม อพฺยากตสฺส โลกุตฺตรสฺส ธมฺมสฺส อธิปติปจฺจเยน ปจฺจโย. อพฺยากโต โลกุตฺตโร ธมฺโม กุสลสฺส โลกุตฺตรสฺส ธมฺมสฺส อธิปติปจฺจเยน ปจฺจโย. (๒)

กุสโล โลกุตฺตโร ธมฺโม อพฺยากตสฺส โลกุตฺตรสฺส ธมฺมสฺส อนนฺตรปจฺจเยน ปจฺจโย. (๑)

อพฺยากโต โลกุตฺตโร ธมฺโม อพฺยากตสฺส โลกุตฺตรสฺส ธมฺมสฺส อนนฺตรปจฺจเยน ปจฺจโย. (๑) (สํขิตฺตํ.)

๔๐. เหตุยา เทฺว, อารมฺมเณ เทฺว, อธิปติยา ตีณิ, อนนฺตเร เทฺว, สมนนฺตเร เทฺว, สหชาเต เทฺว, อญฺญมญฺเญ เทฺว, นิสฺสเย เทฺว, อุปนิสฺสเย จตฺตาริ…เป… อวิคเต เทฺว (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)