๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๓๐. กุสลํ โลกิยํ ธมฺมํ ปฏิจฺจ กุสโล โลกิโย ธมฺโม อุปฺปชฺชติ เหตุปจฺจยา. กุสลํ โลกิยํ ธมฺมํ ปฏิจฺจ อพฺยากโต โลกิโย ธมฺโม อุปฺปชฺชติ เหตุปจฺจยา. กุสลํ โลกิยํ ธมฺมํ ปฏิจฺจ กุสโล โลกิโย จ อพฺยากโต โลกิโย จ ธมฺมา อุปฺปชฺชนฺติ เหตุปจฺจยา. (๓)

อกุสลํ โลกิยํ ธมฺมํ ปฏิจฺจ อกุสโล โลกิโย ธมฺโม อุปฺปชฺชติ เหตุปจฺจยา… ตีณิ.

อพฺยากตํ โลกิยํ ธมฺมํ ปฏิจฺจ อพฺยากโต โลกิโย ธมฺโม อุปฺปชฺชติ เหตุปจฺจยา. (๑)

กุสลํ โลกิยญฺจ อพฺยากตํ โลกิยญฺจ ธมฺมํ ปฏิจฺจ อพฺยากโต โลกิโย ธมฺโม อุปฺปชฺชติ เหตุปจฺจยา. (๑)

อกุสลํ โลกิยญฺจ อพฺยากตํ โลกิยญฺจ ธมฺมํ ปฏิจฺจ อพฺยากโต โลกิโย ธมฺโม อุปฺปชฺชติ เหตุปจฺจยา (๑) (สํขิตฺตํ.)

๓๑. เหตุยา นว, อารมฺมเณ ตีณิ…เป… อวิคเต นว (สํขิตฺตํ).

ปจฺจนียํ

นเหตุปจฺจโย

๓๒. อกุสลํ โลกิยํ ธมฺมํ ปฏิจฺจ อกุสโล โลกิโย ธมฺโม อุปฺปชฺชติ นเหตุปจฺจยา. (๑)

อพฺยากตํ โลกิยํ ธมฺมํ ปฏิจฺจ อพฺยากโต โลกิโย ธมฺโม อุปฺปชฺชติ นเหตุปจฺจยา. (๑) (สํขิตฺตํ.)

๓๓. นเหตุยา เทฺว, นอารมฺมเณ ปญฺจ, นอธิปติยา นว…เป… โนวิคเต ปญฺจ (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

เหตุ-อารมฺมณปจฺจยา

๓๔. กุสโล โลกิโย ธมฺโม กุสลสฺส โลกิยสฺส ธมฺมสฺส เหตุปจฺจเยน ปจฺจโย… ตีณิ.

อกุสโล โลกิโย ธมฺโม อกุสลสฺส โลกิยสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต โลกิโย ธมฺโม อพฺยากตสฺส โลกิยสฺส ธมฺมสฺส เหตุปจฺจเยน ปจฺจโย. (๑)

๓๕. กุสโล โลกิโย ธมฺโม กุสลสฺส โลกิยสฺส ธมฺมสฺส อารมฺมณปจฺจเยน ปจฺจโย… ตีณิ.

อกุสโล โลกิโย ธมฺโม อกุสลสฺส โลกิยสฺส ธมฺมสฺส อารมฺมณปจฺจเยน ปจฺจโย… ตีณิ.

อพฺยากโต โลกิโย ธมฺโม อพฺยากตสฺส โลกิยสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ).

๓๖. เหตุยา สตฺต, อารมฺมเณ นว, อธิปติยา นว…เป… อวิคเต เตรส (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ).