๑-๗. ปฏิจฺจวาราทิ

ปจฺจยจตุกฺกํ

๑. กุสลํ สปฺปจฺจยํ ธมฺมํ ปฏิจฺจ กุสโล สปฺปจฺจโย ธมฺโม อุปฺปชฺชติ เหตุปจฺจยา. กุสลํ สปฺปจฺจยํ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ เหตุปจฺจยา. กุสลํ สปฺปจฺจยํ ธมฺมํ ปฏิจฺจ กุสโล สปฺปจฺจโย จ อพฺยากโต สปฺปจฺจโย จ ธมฺมา อุปฺปชฺชนฺติ เหตุปจฺจยา. (๓)

อกุสลํ สปฺปจฺจยํ ธมฺมํ ปฏิจฺจ อกุสโล สปฺปจฺจโย ธมฺโม อุปฺปชฺชติ เหตุปจฺจยา… ตีณิ.

อพฺยากตํ สปฺปจฺจยํ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ เหตุปจฺจยา. (๑)

กุสลํ สปฺปจฺจยญฺจ อพฺยากตํ สปฺปจฺจยญฺจ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ เหตุปจฺจยา. (๑)

อกุสลํ สปฺปจฺจยญฺจ อพฺยากตํ สปฺปจฺจยญฺจ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ เหตุปจฺจยา. (๑)

๒. กุสลํ สปฺปจฺจยํ ธมฺมํ ปฏิจฺจ กุสโล สปฺปจฺจโย ธมฺโม อุปฺปชฺชติ อารมฺมณปจฺจยา. (๑)

อกุสลํ สปฺปจฺจยํ ธมฺมํ ปฏิจฺจ อกุสโล สปฺปจฺจโย ธมฺโม อุปฺปชฺชติ อารมฺมณปจฺจยา. (๑)

อพฺยากตํ สปฺปจฺจยํ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ อารมฺมณปจฺจยา. (๑) (สํขิตฺตํ.)

๓. เหตุยา นว, อารมฺมเณ ตีณิ, อธิปติยา นว…เป… อวิคเต นว (สํขิตฺตํ).

ปจฺจนียํ

นเหตุปจฺจโย

๔. อกุสลํ สปฺปจฺจยํ ธมฺมํ ปฏิจฺจ อกุสโล สปฺปจฺจโย ธมฺโม อุปฺปชฺชติ นเหตุปจฺจยา. (๑)

อพฺยากตํ สปฺปจฺจยํ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ นเหตุปจฺจยา. (๑) (สํขิตฺตํ.)

๕. นเหตุยา เทฺว, นอารมฺมเณ ปญฺจ, นอธิปติยา นว…เป… โนวิคเต ปญฺจ (สํขิตฺตํ).

เหตุปจฺจยา นอารมฺมเณ ปญฺจ (สํขิตฺตํ).

นเหตุปจฺจยา อารมฺมเณ เทฺว (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

เหตุ-อารมฺมณปจฺจยา

๖. กุสโล สปฺปจฺจโย ธมฺโม กุสลสฺส สปฺปจฺจยสฺส ธมฺมสฺส เหตุปจฺจเยน ปจฺจโย… ตีณิ.

อกุสโล สปฺปจฺจโย ธมฺโม อกุสลสฺส สปฺปจฺจยสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต สปฺปจฺจโย ธมฺโม อพฺยากตสฺส สปฺปจฺจยสฺส ธมฺมสฺส เหตุปจฺจเยน ปจฺจโย. (๑)

๗. กุสโล สปฺปจฺจโย ธมฺโม กุสลสฺส สปฺปจฺจยสฺส ธมฺมสฺส อารมฺมณปจฺจเยน ปจฺจโย… ตีณิ.

อกุสโล สปฺปจฺจโย ธมฺโม อกุสลสฺส สปฺปจฺจยสฺส ธมฺมสฺส อารมฺมณปจฺจเยน ปจฺจโย… ตีณิ.

อพฺยากโต สปฺปจฺจโย ธมฺโม อพฺยากตสฺส สปฺปจฺจยสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ).

๘. เหตุยา สตฺต, อารมฺมเณ นว, อธิปติยา ทส, อนนฺตเร สตฺต…เป… สหชาเต นว…เป… อุปนิสฺสเย นว…เป… อวิคเต เตรส (สํขิตฺตํ).

นเหตุยา ปนฺนรส, นอารมฺมเณ ปนฺนรส (สํขิตฺตํ).

เหตุปจฺจยา นอารมฺมเณ สตฺต (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)