๑-๗. ปฏิจฺจวาราทิ
ปจฺจยจตุกฺกํ
เหตุปจฺจโย
๒๖๓. กุสลํ เหตุญฺเจว สเหตุกญฺจ ธมฺมํ ปฏิจฺจ กุสโล เหตุ เจว สเหตุโก จ ธมฺโม อุปฺปชฺชติ เหตุปจฺจยา. (๑)
อกุสลํ เหตุญฺเจว สเหตุกญฺจ ธมฺมํ ปฏิจฺจ อกุสโล เหตุ เจว สเหตุโก จ ธมฺโม อุปฺปชฺชติ เหตุปจฺจยา. (๑)
อพฺยากตํ เหตุญฺเจว สเหตุกญฺจ ธมฺมํ ปฏิจฺจ อพฺยากโต เหตุ เจว สเหตุโก จ ธมฺโม อุปฺปชฺชติ เหตุปจฺจยา. (๑) (สํขิตฺตํ.)
๒๖๔. เหตุยา ตีณิ, อารมฺมเณ ตีณิ…เป… อวิคเต ตีณิ (สํขิตฺตํ).
นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นวิปาเก ตีณิ, นวิปฺปยุตฺเต ตีณิ (สํขิตฺตํ).
(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)
เหตุ-อารมฺมณ-อธิปติปจฺจยา
๒๖๕. กุสโล เหตุ เจว สเหตุโก จ ธมฺโม กุสลสฺส เหตุสฺส เจว สเหตุกสฺส จ ธมฺมสฺส เหตุปจฺจเยน ปจฺจโย. (๑)
อกุสโล เหตุ เจว สเหตุโก จ ธมฺโม อกุสลสฺส เหตุสฺส เจว สเหตุกสฺส จ ธมฺมสฺส เหตุปจฺจเยน ปจฺจโย. (๑)
อพฺยากโต เหตุ เจว สเหตุโก จ ธมฺโม อพฺยากตสฺส เหตุสฺส เจว สเหตุกสฺส จ ธมฺมสฺส เหตุปจฺจเยน ปจฺจโย. (๑)
กุสโล เหตุ เจว สเหตุโก จ ธมฺโม กุสลสฺส เหตุสฺส เจว สเหตุกสฺส จ ธมฺมสฺส อารมฺมณปจฺจเยน ปจฺจโย. กุสโล เหตุ เจว สเหตุโก จ ธมฺโม อกุสลสฺส เหตุสฺส เจว สเหตุกสฺส จ ธมฺมสฺส อารมฺมณปจฺจเยน ปจฺจโย. กุสโล เหตุ เจว สเหตุโก จ ธมฺโม อพฺยากตสฺส เหตุสฺส เจว สเหตุกสฺส จ ธมฺมสฺส อารมฺมณปจฺจเยน ปจฺจโย. (๓)
อกุสโล เหตุ เจว สเหตุโก จ ธมฺโม อกุสลสฺส เหตุสฺส เจว สเหตุกสฺส จ ธมฺมสฺส อารมฺมณปจฺจเยน ปจฺจโย… ตีณิ.
อพฺยากโต เหตุ เจว สเหตุโก จ ธมฺโม อพฺยากตสฺส เหตุสฺส เจว สเหตุกสฺส จ ธมฺมสฺส อารมฺมณปจฺจเยน ปจฺจโย… ตีณิ.
กุสโล เหตุ เจว สเหตุโก จ ธมฺโม กุสลสฺส เหตุสฺส เจว สเหตุกสฺส จ ธมฺมสฺส อธิปติปจฺจเยน ปจฺจโย… ตีณิ.
อกุสโล เหตุ เจว สเหตุโก จ ธมฺโม อกุสลสฺส เหตุสฺส เจว สเหตุกสฺส จ ธมฺมสฺส อธิปติปจฺจเยน ปจฺจโย. (๑)
อพฺยากโต เหตุ เจว สเหตุโก จ ธมฺโม อพฺยากตสฺส เหตุสฺส เจว สเหตุกสฺส จ ธมฺมสฺส อธิปติปจฺจเยน ปจฺจโย… ตีณิ (สํขิตฺตํ).
๒๖๖. เหตุยา ตีณิ, อารมฺมเณ นว, อธิปติยา สตฺต, อนนฺตเร ปญฺจ, สมนนฺตเร ปญฺจ, สหชาเต ตีณิ…เป… อุปนิสฺสเย นว…เป… อวิคเต ตีณิ (สํขิตฺตํ).
นเหตุยา นว, นอารมฺมเณ นว (สํขิตฺตํ).
เหตุปจฺจยา นอารมฺมเณ ตีณิ (สํขิตฺตํ).
นเหตุปจฺจยา อารมฺมเณ นว (สํขิตฺตํ).
(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)